Ichá Diosmanta willasqaykurayku astawan rejsisqa kayku. Wasimanta wasi Diosmanta willayku, ashkha runas tiyan chaypi, maypichus runas tiyan chaypitaj. ¿Imaraykutaj chayta ruwayku?

Jehovaj testigosnenqa Diosta jatunchanaykupaj, sutinta wajkunaman rejsichinaykupajtaj willayku (Hebreos 13:15). Chantapis Jesuspa kamachisqanta kasukunaykupaj. Pay nerqa: “Rispa, tukuy laya runasta yachachisqasniyman tukuchimuychej. [...] Yachachimuychej paykunaman imatachus noqa kamacherqaykichej, chayta paykunapis kasunankupaj”, nispa (Mateo 28:19, 20).

Chantapis runa masiykuta munakusqaykurayku willayku (Mateo 22:39). Wakin runasqa religionniyoj kanku, willasqaykutataj mana uyariyta munankuchu. Jinapis Bibliaj yachachisqanqa runata salvayta atin. Chayrayku ñaupa tiempomanta cristianos “jinallataj wasimanta wasi pur[iyku], Cristo Jesusmanta yachachispa” (Hechos 5:41, 42).

Publicacionesniykuta leejkunaqa mana tukuychu Jehovaj testigosnin kanku. Chantapis waj religionesmanta kajkunaman Bibliamanta yachachiyku. Paykunaqa Testigos waturisqankumanta agradecekunku.

Jehovaj testigosninmanta ichá waj imastawan yachayta munanki. Chaytataj yachawaj:

• Jehovaj testigosninta tapurispa.

• Internetpi www.dan124.com nisqaman yaykuspa.

• Tantakuykunasniykuman rispa. Chaypajqa mana pagakunchu, tukuypajtaj.