1 Crónicas 24:1-31
24 Aarónpita miraq cürakunapis aylunpa aylunpami templucho Tayta Diosta sirvipäkurqan. Aarónpa tsurinkunapa jutinkunami karqan Nadab, Abiú, Eleazar y Itamar.
2 Nadab y Abiúqa* tsurinkuna manaraq kaptinmi papäninpita mas puntata wanurqan. Paykuna wanuptinmi Eleazarwan Itamarlana cüra karqan.
3 Paykunapita miraq cürakunatami templuta sharkatsir trukanakuypa arupäkunanpaq David churarqan. Tsayno churarqan Eleazarpita miraq Sadoc y Itamarpita miraq Ahimelec yätsishqannömi.
4 Eleazarpita miraq cürakuna atska kashqanta tantiyarmi chunka soqta puntaman rakirqan. Tsaynölami Itamarpita miraq cürakunata pusaq puntaman rakirqan.
5 Eleazarpita miraqkunacho y Itamarpita miraqkunacho Diosta sirviq cürakuna kaptinmi mayqan aylu cüratapis turnun töcananpaq suertita jitarqan.
6 Itamarpita miraq cürakunapaqqa suertita jitarqan juk kutilami. Eleazarpita miraq cürakunapaqmi itsanqa suertita jitarqan ishkay kuti. Suertita jitananpaqmi *levita Natanaelpa tsurin secretariu Semaías lapan cüra aylukunapa jutinkunata qelqarqan reypa nawpancho, mandäshiqninkunapa nawpancho, cüra Sadocpa nawpancho, Abiatarpa tsurin cüra Ahimelecpa nawpancho, cürakunapa mandaqninkunapa nawpancho y levita mayinkunapa mandaqninkunapa nawpancho.
7 Suertita jitaptin puntata yarqamurqan Joiaribpaq. Tsaypita suerti yarqamurqan Jedaíaspaq,
8 Harimpaq, Seorimpaq,
9 Malquíaspaq, Mijamínpaq,
10 Cospaq, Abíaspaq,
11 Jesúapaq, Secaníaspaq,
12 Eliasibpaq, Jaquimpaq,
13 Hupapaq, Jesebeabpaq,
14 Bilgapaq, Imerpaq,
15 Hezirpaq, Afsespaq,
16 Petaíaspaq, Hezequielpaq,
17 Jaquínpaq, Gamulpaq,
18 Delaíapaq y Maazíaspaq.
19 Tsaynöpami cürakunata churarqan TAYTA DIOSPA templuncho aylunpa aylunpa trukanakuypa arupäkunanpaq. Paykuna arupäkurqan Israel runakunata kuyaq TAYTA DIOS cüra Aarónta unay yätsishqannömi.
Templucho arunanpaq Leví trïbupa wakin aylukunata David churashqan
20 Aylunpa aylunpa templucho arupäkunanpaqmi Leví trïbu wakin aylukunapis karqan. Tsay aylukunapa mandaqninkunami karqan Amrampita miraq Subael; Subaelpita miraq Jehedías;
21 Rehabíaspita miraq Isías;
22 Izharpita miraq Selomot; Selomitpita miraq Jahat;
23 Hebrónpita miraq Jerías, Amarías, Jahaziel y Jecamán;
24 Uzielpita miraq Micaía; Micaíapita miraq Samir
25 y Samirpa wawqin Isías; Isíaspita miraq Zacarías;
26 Meraripita miraq Mahli y Musi; Jaazíaspita miraq Beno.
27 Meraripita miraq Jaazíaspitami karqan Beno, Soham, Zacur y Ibri.
28 Mahlipita miraqpitami karqan Eleazar. Eleazarpa tsurin manami karqantsu.
29 Cispa tsurinmi karqan Jerameel.
30 Musipa tsurinkunami karqan Mahli, Edar y Jerimot.
Paykuna lapan karqan Levípita miraq aylukunapa mandaqninkuna.
31 Aarónpita miraq cürakunatanömi tsay aylu runakunata, mandaq kaqkunata y pampa kaqkunatapis suertita jitaypa churarqan templucho arupäkunanpaq. Tsayno churarqan rey Davidpa, Sadocpa, Ahimelecpa, cürakunapa mandaqninkunapa y *levita mayinkunapa mandaqninkunapa nawpanchömi.
Ichic wilacuycuna
^ 24.2 Lev. 10.1-2.
^ levita Levita runakunaqa karqan Jacobpa tsurin Levípita miraq runakunami. Paykunami templucho cürakunata yanaparqan (Núm. 1.47-54; 3.5-39). Templu manaraq kaptinmi Dioswan Tinkuna Tolducho yanaparqan (1Crón. 24–26). Levitakunatami rey Josafat kacharqan markan markan Diospa leyninkunata yachatsipäkunanpaq (2Crón. 17.7-9).
^ levita Levita runakunaqa karqan Jacobpa tsurin Levípita miraq runakunami. Paykunami templucho cürakunata yanaparqan (Núm. 1.47-54; 3.5-39). Templu manaraq kaptinmi Dioswan Tinkuna Tolducho yanaparqan (1Crón. 24–26). Levitakunatami rey Josafat kacharqan markan markan Diospa leyninkunata yachatsipäkunanpaq (2Crón. 17.7-9).
