Nehemías 7:1-73
7 Murällata altsayta usharkur y punkukunatapis tanayta usharkurnami punku täpaqkunata churapäkurqan. Tsaynölami cantaqkunata y *levitakunatapis churapäkurqan.
2 Jerusaléncho mandaq kananpaq churarqä wawqï Hananita. Payta yanapananpaqmi churarqä cuartilcho mas mandaq soldädu Hananíasta. Hananíasqa wakin runakunapitapis masmi Tayta Diosta cäsukuq.
3 Paykunatami kayno nirqä: “Inti mashtarkamuptinraq Jerusalén punkunkunata kichapäkunki. Tsaynöpis inti manaraq jeqaptin punkunkunata wichqapäkunki. Nirkur trancapäkuy punku täpaqkuna manaraq aywakuptin. Jerusaléncho taqkunapita akraykur wakinta churapäkunki reqishqa wayikuna kashqancho täpananpaq y wakintana churapäkunki kikinpa wayin kashqancho täpananpaq”.
4 Jerusalén markaqa jatunkaraymi karqan. Tsayno kaptinpis juchushqa wayikuna manaraq altsashqa kaptinmi walkala runakuna tsaycho tarqan.
Babiloniapita Jerusalénman aywaqkuna mayqan aylu kashqan y ayka kashqanpis
Esdras 2.1-70
5 Tayta Dios yarpayta qomaptinmi qayatsirqä mayor runakunata, autoridäkunata y wakin runakunatapis aylunpa aylunpa padrunanäpaq. Tsaychömi tarirqä punta shamuq runakuna padrunakushqan rölluta. Tsay libruchömi qelqaraykarqan kayno nir:
6 Kaychömi qelqaraykan Jerusalénman y Judáman shamuq runakunapa jutinkuna. Tsay runakunaqa rey Nabucodonosor Babiloniaman prësu apashqan runakuna y paykunapita miraqkunami karqan. Cada ünunmi unay aylunkuna yurishqan markankunaman aywapäkurqan.
7 Tsay runakunapa mandaqninkunami karqan Zorobabel, Jesúa, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum y Baana. Kaychömi qelqaraykan Babiloniapita Judáman shamuq Israel runakunapa aylunkunapa jutinkuna:
8 Paruspita miraqkuna karqan ishkay waranqa juk pachak qanchis chunka ishkay (2,172) runakuna.
9 Sefatíaspita miraqkuna karqan kimsa pachak qanchis chunka ishkay (372) runakuna.
10 Arapita miraqkuna karqan soqta pachak pitsqa chunka ishkay (652) runakuna.
11 Pahat-moabpita miraqkuna karqan ishkay waranqa pusaq pachak chunka pusaq (2,818) runakuna. Paykunaqa karqan Jesúapita y Joabpita miraqkunami.
12 Elampita miraqkunami karqan juk waranqa ishkay pachak pitsqa chunka chusku (1,254) runakuna.
13 Zatupita miraqkuna karqan pusaq pachak chusku chunka pitsqa (845) runakuna.
14 Zacaipita miraqkuna karqan qanchis pachak soqta chunka (760) runakuna.
15 Binúipita miraqkuna karqan soqta pachak chusku chunka pusaq (648) runakuna.
16 Bebaipita miraqkuna karqan soqta pachak ishkay chunka pusaq (628) runakuna.
17 Azgadpita miraqkuna karqan ishkay waranqa kimsa pachak ishkay chunka ishkay (2,322) runakuna.
18 Adonicampita miraqkuna karqan soqta pachak soqta chunka qanchis (667) runakuna.
19 Bigvaipita miraqkuna karqan ishkay waranqa soqta chunka qanchis (2,067) runakuna.
20 Adínpita miraqkuna karqan soqta pachak pitsqa chunka pitsqa (655) runakuna.
21 Aterpita miraqkuna karqan isqun chunka pusaq (98) runakuna. Aterqa Ezequíaspita miraqmi karqan.
22 Hasumpita miraqkuna karqan kimsa pachak ishkay chunka pusaq (328) runakuna.
23 Bezaipita miraqkuna karqan kimsa pachak ishkay chunka chusku (324) runakuna.
24 Harifpita miraqkuna karqan juk pachak chunka ishkay (112) runakuna.
25 Gabaónpita miraqkuna karqan isqun chunka pitsqa (95) runakuna.
26 Belén runakuna y Netofa runakuna* karqan juk pachak pusaq chunka pusaq (188).
27 Anatot runakuna karqan juk pachak ishkay chunka pusaq (128).
28 Bet-azmavet runakuna karqan chusku chunka ishkay (42).
29 Quiriat-jearim runakuna, Cafira runakuna y Beerot runakuna karqan qanchis pachak chusku chunka kimsa (743).
30 Ramá runakuna y Geba runakuna karqan soqta pachak ishkay chunka juk (621).
31 Micmas runakuna karqan juk pachak ishkay chunka ishkay (122).
32 Bet-el runakuna y Hai runakuna karqan juk pachak ishkay chunka kimsa (123).
33 Nebo runakuna karqan pitsqa chunka ishkay (52).
34 Jukaq Elam runakuna karqan juk waranqa ishkay pachak pitsqa chunka chusku (1,254).
35 Harim runakuna karqan kimsa pachak ishkay chunka (320).
36 Jericó runakuna karqan kimsa pachak chusku chunka pitsqa (345).
37 Lod runakuna, Hadid runakuna y Ono runakuna karqan qanchis pachak ishkay chunka juk (721).
38 Senaa runakuna karqan kimsa waranqa isqun pachak kimsa chunka (3,930).
39 Kaychömi qelqaraykan Babiloniapita Judáman shamuq cürakunapa aylunkunapa jutinkuna:
Jesúa aylu Jedaíaspita miraq cürakuna karqan isqun pachak qanchis chunka kimsa (973) runakuna.
40 Imerpita miraq cürakuna karqan juk waranqa pitsqa chunka ishkay (1,052) runakuna.
41 Pasurpita miraq cürakuna karqan juk waranqa ishkay pachak chusku chunka qanchis (1,247) runakuna.
42 Harimpita miraq cürakuna karqan juk waranqa chunka qanchis (1,017) runakuna.
43 Kaychömi qelqaraykan Babiloniapita Judáman shamuq *levita aylukunapa jutinkuna: Hodavías aylu Jesúapita miraqkuna y Hodavías aylu Cadmielpita miraqkuna. Paykunami karqan qanchis chunka chusku (74) runakuna.
44 Kaychömi qelqaraykan Diosta alabar cantaqkuna mayqan aylu shamushqanpis: Asafpita miraqkuna. Paykunami karqan juk pachak chusku chunka pusaq (148) runakuna.
45 Kaychömi qelqaraykan punkuta täpaq runakunapa aylunkunapa jutinkuna: Salum aylu, Ater aylu, Talmón aylu, Acub aylu, Hatita aylu y Sobai aylu. Tsay aylukunapita miraqkuna karqan juk pachak kimsa chunka pusaq (138) runakuna.
46 Kaychömi qelqaraykan Diospa templuncho aruq runakunapa aylunkunapa jutinkuna: Ziha aylu, Hasufa aylu, Tabaot aylu,
47 Queros aylu, Siaha aylu, Padón aylu,
48 Lebana aylu, Hagaba aylu, Salmai aylu,
49 Hanán aylu, Gidel aylu, Gahar aylu,
50 Reaía aylu, Rezín aylu, Necoda aylu,
51 Gazam aylu, Uza aylu, Paseah aylu,
52 Besai aylu, Mehunim aylu, Nefisesim aylu,
53 Bacbuc aylu, Hacufa aylu, Harhur aylu,
54 Bazlut aylu, Mehída aylu, Harsa aylu,
55 Barcos aylu, Sísara aylu, Tema aylu,
56 Nezía aylu y Hatifa aylu.
57 Kaychömi qelqaraykan Salomónpa sirviqninkunapita miraq runakunapa aylunkunapa jutinkuna: Sotai aylu, Soferet aylu, Perida aylu,
58 Jaala aylu, Darcón aylu, Gidel aylu,
59 Sefatías aylu, Hatil aylu, Poqueret-hazebaim aylu y Amón aylu.
60 Templucho aruqkuna y Salomónpa sirviqninpita miraqkuna lapan karqan kimsa pachak isqun chunka ishkay (392) runakunami.
61 Tel-mela markapita, Tel-harsa markapita, Querub markapita, Adón markapita y Imer markapita Jerusalénman aywaq runakuna legïtimu Israel aylu kashqan o karulapana aylu kashqanpis shumaq manami musyakarqantsu. Tsay runakunami karqan
62 Delaíapita, Tobíaspita y Necodapita miraq runakuna. Paykunami karqan soqta pachak chusku chunka ishkay (642) runakuna.
63 Jerusalénman shamuq wakin cüra aylukuna karqan Habaíapita, Cospita y Barzilaipita miraq runakuna. Barzilaiqa tarqan Galaadpita kaq Barzilaipa warmi tsurinwanmi. Paywan taptinmi Barzilaipa jutinta apararqan.
64 Tsay runakunami Habaía aylu, Cos aylu y Barzilai aylu kashqanta musyatsinanpaq padrón librucho jutinkunata ashirqan. Tsaycho mana tarirmi Jerusalénman chayaykur cürakuna arushqanchöqa mana arurqantsu.
65 Gobernadorpis nirqan Tayta Diospaq churashqankunata manana mikupäkunanpaq hasta *Urimta y Tumimta tapukur cüra musyashqanyaq.
66 Jerusalénman shamuqkuna lapan karqan chusku chunka ishkay waranqa kimsa pachak soqta chunka (42,360) runakunami.
67 Paykunawanmi qanchis waranqa kimsa pachak kimsa chunka qanchis (7,337) warmipis olqupis ashmaykuna shamurqan. Diosta alabaqkuna warmipis olqupis ishkay pachak chusku pitsqami (245) paykunawan shamurqan.
68 Cawallunkunami karqan qanchis pachak kimsa chunka soqta (736). Mulankunami karqan ishkay pachak chusku chunka pitsqa (245).
69 (68b) Camëllunkunami karqan chusku pachak kimsa chunka pitsqa (435). Bürrunkunanami karqan soqta waranqa qanchis pachak ishkay chunka (6,720).
70 (69) Wakin mayor runakunami Diospa templunta yapay sharkatsinanpaq puëdishqanman tupu ofrendata shuntarkur entregapäkurqan. Gobernadorpis entregarqan pusaq kïlu qorita, pitsqa chunka (50) tazonkunata y cürakuna jatikunanpaq pitsqa pachak kimsa chunka (530) sotänakunata.
71 (70) Mayor runakunami tesorëruta entregarqan juk pachak soqta chunka (160) kïlu qorita y juk waranqa ishkay pachak chunka (1,210) kïlu qellayta.
72 (71) Común runakunapis entregarqan juk pachak soqta chunka (160) kïlu qorita, juk pachak chunka (110) kïlu qellayta y cürakuna jatikunanpaq soqta chunka qanchis (67) sotänakunata.
73 (72) Cürakuna, levitakuna, punku täpaqkuna, cantaqkuna, templucho aruqkuna y lapan Israel runakuna awkilunkunapa markankunachönami tarqan.
Qanchis kaq killapitanaqa* lapan runakuna wayinkunachönami tarqan.
Ichic wilacuycuna
^ levita Levita runakunaqa karqan Jacobpa tsurin Levípita miraq runakunami. Paykunami templucho cürakunata yanaparqan (Núm. 1.47-54; 3.5-39). Templu manaraq kaptinmi Dioswan Tinkuna Tolducho yanaparqan (1Crón. 24–26). Levitakunatami rey Josafat kacharqan markan markan Diospa leyninkunata yachatsipäkunanpaq (2Crón. 17.7-9).
^ 7.26 Tsay runakunapa unay aylunkuna Belén markapita y Netofa markapita kaptinmi Belén runakuna y Netofa runakuna nipäkuq. Tsayno nirqan juk lädu markacho yurishqa kaptinpis. Tsay yarpaylami kaykan 7.27-38-chöpis.
^ levita Levita runakunaqa karqan Jacobpa tsurin Levípita miraq runakunami. Paykunami templucho cürakunata yanaparqan (Núm. 1.47-54; 3.5-39). Templu manaraq kaptinmi Dioswan Tinkuna Tolducho yanaparqan (1Crón. 24–26). Levitakunatami rey Josafat kacharqan markan markan Diospa leyninkunata yachatsipäkunanpaq (2Crón. 17.7-9).
^ Urim y Tumim Urim y Tumimqa rumikunami karqan. Tsay rumikunaqa mandaq cürapa pechëran rurinchömi winararqan. Tsay rumikunawanmi mandaq cüra suertita rikaq Tayta Dios imata munashqantapis musyananpaq (Éxo. 28.30; Esd. 2.63; Neh. 7.65).
^ 7.73 Calendariuntsichöqa qanchis kaq killa karqan pulan setiembripita pulan octubriyaqmi.
