Deuteronomio 33:1-29
33 Moisésqa Tayta Dios akrashqan runami karqan. Paymi manaraq wanur Israel runakunata bendicionta qoshpan
2 kayno nirqan:“TAYTA DIOSMI Sinaí puntapita shamushqa.Seirpita patsami atskipämashqantsi.Parán jirkapitami chipchipyapämashqantsi.Chunka waranqa (10,000) *angilninkunawanmi shamushqa.Ninanöraqmi leyninpis alawqa kaq makincho chipchipyämushqa.
3 Akrashqan runakunata Tayta Diosqa kuyanmi.Pay munashqanno kawaq *santu runakunata makinchömi tsararan.Paykunaqa Diospa nawpanmanmi qonqurpakärin.Tsaychömi tantiyatsishqanta chaskikärin.
4 Diospa leyninkunataqa Moisésmi wilapämashqantsi.Jacobpita mirashqa kaptintsimi tsay leykunaqa herenciantsino kaykan.
5 Jesurún runakunapa* * mandaqninkuna lapan trïbukunawan juntakashpanmi Tayta Diosta chaskikärirqan mandaqnin rey kananpaq”.
6 Rubén trïbu runakunapaqmi Moisés kayno nirqan:“Walkaqla karpis Rubén trïbu runakunaqa ama ushakätsuntsu”.
7 Judá trïbu runakunapaqmi Moisés kayno nirqan:“TAYTA DIOS, Judá trïbu runakuna manakushushqaykita mayaykulay.Paykunataqa mashtakaptinpis shuntaykulay.Podernikiwan tsapaykulay.Contrankunata vincinanpaq yanapaykulay”.
8 Leví trïbu runakunapaqmi Moisés kayno nirqan:“Masahcho y Meribacho* yaku pashtamushqanchömi Leví trïbu runakuna cäsukushushqaykita o mana cäsukushushqaykita musyayta munarqayki, Tayta Dios.Nishqaykita wiyakuq kaptinmi paykunata aptapashqanki Tumimnikita y *Urimnikita.*
9 Paykunaqa nishqaykita cäsukur *pactu rurashqaykitami cumplipäkurqan.Mamanta, taytanta, wawqinkunata y tsurinkunata kuyashqanpitapis masmi qamta kuyashunki.*
10 Nishqaykikunatapis Jacobpita miraq runakunatami tantiyatsipäkun.Leynikikunatapis Israel runakunatami yachatsipäkun.Nawpaykichömi inciensuwan qoshtatsipäkun.*Altar jananchömi rupatsina sacrificiuta rupatsipäkun.
11 TAYTA DIOS, paykuna sirvishunaykipaq yanapaykulay.Paykuna rurashqanta kushishqa chaskiykulay.Chikiqninkuna yarpashqankunata manakaqman churaykulay.Contrankunapis amana sharkutsunnatsu”.
12 Benjamín trïbu runakunapaqmi Moisés kayno nirqan:“Paykunaqa TAYTA DIOS kuyashqanmi kaykan.Diospa nawpancho kushishqami kawapäkun.Paykunataqa imapitapis tsapanqami.Makilanchömi imaypis tsararanqa”.
13 Josépita miraq trïbu runakunapaqmi Moisés kayno nirqan:“Paykunapa chakrankunamanqa TAYTA DIOS bendicionninta churaykulätsun.*Shumaq ushmananpaq jana patsapita shulyaykatsilämutsun.Parqunanpaq yakutapis patsa rurinpita pashtaykatsilämutsun.
14 Tsaynöpis shanaywan mikuyninkuna shumaq poquykulätsun.Cosëchankunapis tiempulancho ali qeshpiykulätsun.
15 Jirkankunachöpis mikuy ali wayuykulätsun.Jalqakunachöpis atskata cosechaykulätsun.
16 Chakrankunapis ali chakra kaykulätsun.Mikuyninkunapis ali wayuykulätsun.Rupaykaq shirakacho yuripäkuq Tayta Dios paykunata kuyapaykulätsun.Josétami lapan wawqinkunapita mandaq kananpaq akrarqan.Josépita miraq trïbu runakunapaq kay bendicionkuna kaykulätsun.
17 Punta yuriq turitu kalpasapa kashqannömi kalpasapa karkaykan.Waqraq töru runakunata ashtir* ushashqannömi maytsay nación runakunatapis ushakätsinqapaq.Tsaynömi kanqa yupaytapis mana atipaypaq Efraín runakuna.Tsaynömi kanqa yupaytapis mana atipaypaq Manasés runakunapis”.
18 Zabulón trïbu runakunapaq y Isacar trïbu runakunapaqmi Moisés kayno nirqan:“Zabulón trïbu runakuna maypapis purir kushikäritsun.Isacar trïbu runakuna toldunkunacho ali kawapäkutsun.
19 Paykuna taykashqan läducho kaykaq jirkamanmi juk lädu runakunata qayatsinqa.Tsaychömi Tayta Dios munashqanno sacrificiukunata rupatsipäkunqa.Tsaynölami lamarcho atska pescädukunata tsarir kushishqa kawapäkunqa.Lamar kuchun aquysha rurincho tarishqan kaqkunawanmi rïcuyanqa”.*
20 Gad trïbu runakunapaqmi Moisés kayno nirqan:“Tayta Dios alabashqa kaykulätsun.Paymi Gad trïbu runakunapa chakrankuna atska kananpaq yanaparqan.Paykunaqa imatapis tsarinanpaq leonnömi karkaykan.Tsaymi vincishqan runapa rikranta y umantapis pakin.
21 Paykunaqa alinnin kaq chakrakunatami tsaripäkushqa.Chakrankunaqa soldädukunapa mandaqninkunapa alinnin kaq chakrannömi kaykan.Israel mayinkunata yanaparmi puntanta aywapäkurqan.Lapantapis Tayta Dios tantiyatsishqannölami cumplipäkurqan.Israel nacionchöqa TAYTA DIOS munashqannömi rurapäkurqan”.*
22 Dan trïbu runakunapaqmi Moisés kayno nirqan:“Dan trïbu runakunaqa Basán partipita yarqamuq manta leonnömi karkaykan”.
23 Neftalí trïbu runakunapaqmi Moisés kayno nirqan:“Neftalí trïbu runakunataqa Tayta Dios kuyanmi.Paykunata atska bendicionninkunatami qoshqa.Qocha kuchunpami chakrankunapis kaykan”.
24 Aser trïbu runakunapaqmi Moisés kayno nirqan:“Aser trïbu runakunaqa wakinkunapita masraq bendicionta chaskiykulätsun.Paykunata Israel mayinkuna kuyaykulätsun.Chakinkunata ushmatsinanpaqpis olïvu aceiti putsuy putsuy kaykulätsun.
25 Marka yaykuna punkunpa trancankunapis fiërrupita y broncipita rurashqa kaykulätsun.Kalpankunapis wanunanyaq kaykulätsun”.
26 “Manami ima diospis kantsu Jesurúnpa* Diosninnöqa.Payqa yanapashunaykipaq pukutay jananpami shamun.
27 Imayyaqpis kawaq Tayta Diosmi imaykapitapis tsapäshunki.Makinchömi imaypis tsararäshunki.Paymi chikishuqnikikunatapis nawpaykipita qarqunqapaq.Tsayno qarquptinmi qatikachar ushakätsinkipaq.
28 Israel runakunaqa jawkalami kawapäkunqapaq.Jacobpita miraqkunapis kushishqami kawapäkunqapaq.Chakrankunacho trïgupis y üvapis alimi wayunqapaq.Tiempulanchömi tamyapis tamyamunqapaq.
29 Israel runakuna, qamkunatami Tayta Dios kuyashunki.Qamkunano kushishqa kawayta ¿piraq mana munanmantsu?Qamkunataqa TAYTA DIOSMI salvashushqanki.Paymi imaykapitapis tsapäshunaykipaq escüdu kaykan.Paymi contraykikunata vincinaykipaq espäda kaykan.Pay yanapashuptikimi chikishuqnikikunatapis asulapäkunkipaq.Diosninkunata adorapäkunanpaq kaq altarninkunatapis juchutsipäkunkipaq”.
Ichic wilacuycuna
^ ángel Kay patsata manaraq kamarmi angilkunata Tayta Dios kamarqan payta sirvinanpaq. Angilkunaqa manami imaypis wanuntsu. Tayta Diospa nawpancho karmi imaypis alabarkaykan (Isa. 6.1-3; Apoc. 5.11-12).
^ santu; sagrädu Tayta Dios santu kashqanta nirqa jutsaynaq kashqanta y pipis ni imapis payman mana tinkushqantami niykan (Isa. 5.16; 6.3; Apoc. 4.8; 15.4).
^ 33.5 Jesurún ninanqa ali kawaq ninanmi. Tsayno nirqan jukman jitaykular kikinkunapaqmi.
^ 33.5, 26 Deut. 32.15; Isa. 44.2.
^ 33.8a Éxo. 17.1-7; Núm. 20.13.
^ Urim y Tumim Urim y Tumimqa rumikunami karqan. Tsay rumikunaqa mandaq cürapa pechëran rurinchömi winararqan. Tsay rumikunawanmi mandaq cüra suertita rikaq Tayta Dios imata munashqantapis musyananpaq (Éxo. 28.30; Esd. 2.63; Neh. 7.65).
^ 33.8b Éxo. 28.30.
^ pactu Pactuqa promitinakushqanta cumplinanpaq nishqanmi kaykan. Unay Testamentuchöqa Israel runakunawanmi pactuta Tayta Dios rurarqan. Tsaymi Tayta Dios promitirqan Israel runakunapa Diosnin kar paykunata imaypis yanapananpaq. Israel runakunanami Tayta Diosta promitirqan mandamientunkunata y leyninkunata cumplipäkunanpaq (Éxo. 6.7; 19.5-6; Lev. 26.3-12). Pactuta rurarmi uywata pishtar shuntashqan yawarta Israel runakunaman Moisés tsaqtsuparqan (Éxo. 24.8). Tsaynölami Jesucristo noqantsi rayku wanur yawarninta jichashpan mushuq pactuta rurarqan payta chaskikuqkunata jutsankunapita perdonar salvananpaq (Luc. 22.20; Heb. 10.16-17).
^ 33.9 Éxo. 32.26-29.
^ altar Altarkunaqa karqan rumiwan perqashqa y qerupita ruraykur jananpa y rurinpa bronciwan enchapashqami. Tsay altarkunachömi uywakunata rupatsir runakuna jutsankunapita perdonashqa kananpaq cürakuna Tayta Diosta manakäriq. Tsaynölami templu rurincho qoripita rurashqa taksha altarpis karqan. Tsaychömi cürakuna inciensuwan qoshtatsiq. Rumipita perqashqa altar imano kashqanta musyanaykipaq rikanki 2Sam. 24.18-cho kaq dibüjuta. Tayta Diosta mana cäsukuq runakunapis altarkunata ruraykurmi ïdulukunata adorapäkuq (Éxo. 30.1-10; Deut. 27.5-6; 2Rey. 16.10-16; 2Crón. 4.1).
^ 33.13-17 Gén. 49.22-26.
^ 33.17 Wakin runakunaqa wishtir nipäkun.
^ 33.18-19 Gén. 49.13.
^ 33.20-21 Núm. 32.1-42.
^ 33.26 Jesurún ninanqa ali kawaq ninanmi. Tsayno nirqan Israel runakunapaqmi.
