Salmos 43:1-5
43 Tayta Dios, mana cäsukushuqniki runakunapita salvaykalämay.Tsay lula y fiyu runakunapita tsapaykalämay.
2 Qamqa imapitapis tsapämaq Diosnïmi kaykanki.¿Imanirtaq qonqaykamashqanki?Conträ sharkuptinpis mana lakikunäpaq yanapaykalämay.
3 Promitishqaykita cumplir yanapaykalämay, Tayta.Tashqayki *sagrädu jirkancho kaykaq templuykiman pushaykalämay.
4 Tsaynöpami *altarnikiman chayaykur arpata tukapalanpa alabashayki.Tayta Diosnilä, qammi shumaq kushikuyta qomanki.
5 Ay vïdala vïda, ¿imanirtaq turwatä?¿Imanirtaq lakikü?Tayta Dioslamanmi imaypis yärakushaq.Paytami imaypis alabashaq.Paymi salvamaq Tayta Diosnï kaykan.
Ichic wilacuycuna
^ sagrädu Liyinki santupita tantiyatsikuyta.
^ altar Altarkunaqa karqan rumiwan perqashqa y qerupita ruraykur jananpa y rurinpa bronciwan enchapashqami. Tsay altarkunachömi uywakunata rupatsir runakuna jutsankunapita perdonashqa kananpaq cürakuna Tayta Diosta manakäriq. Tsaynölami templu rurincho qoripita rurashqa taksha altarpis karqan. Tsaychömi cürakuna inciensuwan qoshtatsiq. Rumipita perqashqa altar imano kashqanta musyanaykipaq rikanki 2Sam. 24.18-cho kaq dibüjuta. Tayta Diosta mana cäsukuq runakunapis altarkunata ruraykurmi ïdulukunata adorapäkuq (Éxo. 30.1-10; Deut. 27.5-6; 2Rey. 16.10-16; 2Crón. 4.1).
