Salmos 46:1-11
(1) Cantaqkunapa mandaqninpaqmi. Corépita miraqkuna qelqashqan salmu. Kënata tukapalanpa cantapäkunki.
46 (2) Tayta Diosqa pakakunantsi törrinömi kaykan.Paymi imapitapis tsapämantsi.Ima nakaycho kaptintsipis yanapamantsimi.
2 (3) Patsa fiyupa siksikyaptinpis ama mantsakushuntsu.Puntakuna lamarman talpukaptinpis ama lakikushuntsu.
3 (4) Lamar bunyaypa bunyar sharkuptinpis y jirkakuna siksikyaptinpis ama mantsakäshuntsu.* Selah
4 (5) Juk mayumi kaykan Tayta Dios akrashqan markacho taqkuna kushikärinanpaq.*Tsay runakunaqa poderniyuq Tayta Dios tashqan markachömi taykan.*
5 (6) Tayta Dios tsaycho kaptinmi tsay markata imapis mana pasanqatsu.Paymi patsa warashqanpita tsaycho taykaq runakunata yanapaykan.
6 (7) Yanapaptinmi jäpa nación runakuna qaparpar siksikyaykan.Rimamuptinmi kay patsapis kuyun.
7 (8) Lapanta mandaq TAYTA DIOSMI noqantsiwan kaykan.Jacob sirvishqan Tayta Diosmi imapitapis tsapämantsi. Selah
8 (9) TAYTA DIOS espantaypaq rurashqankunata rikanaykipaq shapäkamu.Paymi kay patsacho mantsariypaq kaqkunata ruran.
9 (10) Mandaptinmi maytsaychöpis guërra mana kannatsu.Flëchakunatapis lanzakunatapis lapanta pakirmi ushan.Guërra carrëtakunatapis chipyaqmi rupatsir ushan.
10 (11) Tayta Diosmi kayno nin:“Amana lakikäriynatsu.Tantiyakäriy munayniyuq Tayta Dios kaykashqäta.Munaynïchömi maytsay nacionkunapis kaykan.Makïchömi intëru kay patsapis kaykan”.
11 (12) Lapanta mandaq TAYTA DIOSMI noqantsiwan kaykan.Jacob sirvishqan Tayta Diosmi tsapämaqnintsi kaykan. Selah
Ichic wilacuycuna
^ 46.1-3 Isa. 54.10; Joel 3.16.
^ 46.4 Mayupaq parlarqa Tayta Diospa makincho ali kawanantsipaq kashqantami parlaykan.
^ 46.4 Eze. 47.1-12; Zac. 14.8; Apoc. 22.1-2.
