Salmos 77:1-20
(1) Cantaqkunapa mandaqninpaqmi. Jedutúnpaqmi. Asaf qelqashqan salmu.
77 (2) Lapan shonqüwanmi Tayta Diosta manakü.Mayamänanpaqmi payta ruwakü.
2 (3) Lakikushqä hörami Tayta Diosta ruwakü.Tsakaykunapapis makïta joqarkurmi manakü.Tsayno manakuykarpis pasaypami lakikü.
3 (4) Ima ruraytapis mana kamäpakurmi Tayta Diosta waqapä. Selah
4 (5) Tayta Dios, qampaq yarpachakurmi punuytapis mana tarïtsu.Mayjina yarpachakurpis manami ima niytapis kamäpakütsu.
5 (6) Nawpata yanapamashqaykitami yarparaykä.Unayna pasakashqa kaptinpis yarparaykämi.
6 (7) Tsakaykunapa qamta alabashqätami yarparkü.Tsaymi shonqulächo yarpachakur kayno nï:
7 (8) “¿Tsaynölatsuraq Tayta Dios rabyashqa kaykanqa?¿Mananatsuraq yapay kuyapämäshun?
8 (9) ¿Kuyakuynin mananatsuraq kanna?Promitishqanta ¿pasaypatsuraq qonqaykushqa?
9 (10) ¿Kuyapäkuq kashqanta qonqaykushqatsuraq?¿Fiyupa rabyashqa kaptintsuraq kuyapäkuyninpis ushakashqa?” Selah
10 (11) Tsaymi kayno nirqä: “Poderniyuq Tayta Diosqa manami unaynönatsu kuyakuq kaykan”.Tsayno nirmi pasaypa lakikurqä.
11 (12) Tsayno lakikuykashqächömi yarparkurqä mantsariypaq unay rurashqaykikunata.
12 (13) Lapan rurashqaykitami yarpäshaq.Munaynikiwan rurashqaykita manami qonqashaqtsu.
13 (14) Tayta Dios, rurashqaykiqa lapanpis alimi kaykan.Qammanqa manami mayqan diospis tinkuntsu.
14 (15) Qammi mantsariypaq kaqkunata ruranki.Wakin nacionkunatami musyatsishqanki munayniyuq kashqaykita.
15 (16) Munaynikiwanmi jorqamushqanki kuyashqayki runakunata.Paykunaqa Jacobpita y Josépita miraqkunami karkaykan. Selah
16 (17) Tayta Dios, lamar yakupis rikashushpayki fiyupami mantsakurqan.Mas hondunnincho kaykaq yakupis siksikyarqanmi.
17 (18) Pukutaypitami tamyamurqan.Ciëluchömi räyupis bunrurümurqan.Intërupami elquypis chipchipyämurqan.
18 (19) Löcu wayra rurinchömi räyuyki pashtamushqanpis mayakämurqan.Elquynikipa atsikyayninwanmi patsapis rikakarqan.Temblorwanmi patsapis fiyupa kuyurqan.
19 (20) Lamar chawpinpami nänita rurarqayki.Atska yaku chawpinpami aywarqayki.Yupikitaqa pipis manami tarirqantsu.*
20 (21) Uyshata pusharaqnömi kuyashqayki runakunata pusharqayki.Moiséswan y Aarónwanmi paykunata pushatsirqayki.*
