Salmos 79:1-13
(1a) Asaf qelqashqan salmu.
79 (1b) Tayta Dios, contrayki sharkuq nación runakunami markaykiman yaykapäkamushqa.*Sagrädu templuykimanpis mana respitaypami yaykapäkushqa.Jerusaléntapis raqälatanami kachaykärishqa.*
2 Sirvishuqnikikunapa ayantapis wiskulkuna y munti uywakuna mikunanpaqmi jitapäkushqa.
3 Yakutanömi yawarnintapis intëru Jerusalénpa mashtapäkushqa.Ayakunata pampananpaq manami pipis karqantsu.
4 Tsayta musyaykurmi vecïnü nación runakunapis kushipämashpan asiparkaykäman.Tsaynöpis manakaqmanmi churapäkaman.
5 TAYTA DIOS, ¡imayyaqraq noqakunapita rabyashqa kaykanki!¿Tsaynölatsuraq imaypis rabyashqa kaykanki?
6 Rabyashqa karqa contrayki sharkuq nación runakunata castigaykulay.Paykunaqa manami cäsushunkitsu ni jutikitapis manami joqarintsu.
7 Paykunami Jacobpita miraqkunata wanutsir ushashqa.Kay nacioncho markakunatapis raqälatanami kachaykärishqa.*
8 Unay aylükuna jutsata rurashqanpita noqakunata ama castigaykalämaytsu.Pasaypa lakishqa kaykashqäta rikamashpayki jukla yanapaykalämay.
9 Salvakuq Tayta Dios, noqakunata kuyapaykalämay.Perdonamashpayki salvaykalämay.Tsaynöpami pïmaypis tantiyakärinqa promitishqaykita cumpliq kashqaykita.
10 Wakin nación runakuna kaynömi nirkaykan:“¿Maychötaq kaykan Diosnin?”*Sirvishuqnikikunata wanutsishqanpita paykunatapis ushakaykatsilay.
Paykunatapis castigashqaykita pïmaypis musyaykulätsun.
11 Prësukuna manakamushushqaykita mayaykulay.Wanutsishqa kananpaq kaykaqkunata munaynikiwan salvaykulay.
12 Tayta Dios, vecïnü nación runakuna contrayki rimashqanpita qanchis kuti castigaykulay.
13 Noqakunaqa kuyashqayki runakunami karkaykä.Majädaykicho kaykaq uyshaykikunami karkaykä.Imaypis agradëcikärishaykimi.Mana kachaypami imaypis alabapäkushayki.
Ichic wilacuycuna
^ sagrädu Liyinki santupita tantiyatsikuyta.
^ 79.6-7 Jer. 10.25.
^ 79.10 Joel 2.17; Miq. 7.10.
