Salmos 8:1-9
(1) Cantaqkunapa mandaqninpaqmi. Üvata jarur cantashqayki tönuwan kay salmuta cantapäkunki. David qelqashqan salmu.
8 (2) TAYTA DIOSNILÄ, kay patsacho imaykapaqpis munayniyuqmi kaykanki.Jana patsachöpis qammanqa manami pipis tinkuntsu.*
2 (3) Pishi wamrakuna y chuchuykaq wamrakunapis alabashunkimi.*Tsayta rikarmi contrayki sharkuq runakuna penqakur upälakurkaykan.
3 (4) Jana patsatapis dëduykiwanmi rurashqanki.Killata y qoylarkunatapis makikiwanmi kamashqanki.Tsaykunata rikarmi
4 (5) kayno nir yarpachakü:“¿Imanataq runa kaykan tsayjinanpa paypaq yarpachakunaykipaq?¿Imanataq runa kaykan shumaq kuyaykunaykipaq?”*
5 (6) Runata kamashqanki cäsi *angilno munayniyuq kananpaqmi.Reytanöpis churashqanki munayniyuq y respitashqa kananpaqmi.
6 (7) Lapan kamashqaykikunatapis munayninmanmi churashqanki.Kay patsacho kaqkunataqa lapantami makinman churashqanki:*
7 (8) uyshakunata, wäkakunata, jirka uywakunata,
8 (9) päriqkunata, lamarcho pescädukunatay tsaycho kaq tukuy casta kawaqkunata.
9 (10) TAYTA DIOSNILÄ, kay patsacho imaykapaqpis munayniyuqmi kaykanki.
Ichic wilacuycuna
^ 8.1 Sal. 57.5, 11; 108.5.
^ 8.2 Mat. 21.16.
^ 8.4 Job 7.17-18; Heb. 2.6-8.
^ ángel Kay patsata manaraq kamarmi angilkunata Tayta Dios kamarqan payta sirvinanpaq. Angilkunaqa manami imaypis wanuntsu. Tayta Diospa nawpancho karmi imaypis alabarkaykan (Isa. 6.1-3; Apoc. 5.11-12).
^ 8.6 1Cor. 15.27; Efe. 1.22; Heb. 2.8.
