Salmos 82:1-8
(1a) Asaf qelqashqan salmu.
82 (1b) Jana patsacho munayniyuqkuna juntakashqanchömi Tayta Dios juzgananpaq sharkun.Paykunapa chawpincho karmi juezkunata kayno nin:
2 “¡Imayyaqraq mana ali juzgarkaykanki!¡Imayyaqraq fiyu runakunapa favornin sharkurkaykanki! Selah
3 “Pïninpis mana kaqkunata y waktsakunata shumaq arreglapäkuy.Pobrikunapa y muchuycho kaqkunapa favornin sharkapäkuy.*
4 Waktsakunata y pobrikunata fiyu runakunapa makinpita jorqapäkuy.Pïninpis mana kaqkunapa favornin sharkapäkuy.
5 Mana ali arreglarqa upa runanömi karkaykanki.Imata rurashqaykitapis manami musyankitsu ni tantiyankitsu.Mana ali juzgaptikimi patsata tuknaraq cimientupis siksikyan.
6 “Noqami nirqä: ‘Qamkunaqa dioskunami karkaykanki.*Lapaykipis poderniyuq Tayta Diospa wamrankunami karkaykanki.*
7 Tsayno karpis wakin runakunanölami wanupäkunkipaq.Wakin mandaqkunanölami qamkunapis ushakankipaq’ ”.
8 Tayta Dios, lapan nacionkunapapis qammi duëñun kaykanki.Aywaykalämuy runakunata juzganaykipaq.
Ichic wilacuycuna
^ 82.3 Éxo. 23.6; Deut. 1.17.
^ 82.6 Juan 10.34.
^ 82.6 Runakunata juzgananpaq Tayta Dios churashqa kaptinmi autoridäkuna dios kashqanta y Diospa wamrankuna kashqanta hebreo idiömacho nipäkuq.
