Moab pampacho israelitacunata pasashganpita noganchipis yachacushun (1Co 10:6, 8, 11). Israelitacunaga Moabpita iduluta aduraj mañosa warmicunawan reguinacur galaycurgan. Chaypita, chay warmicuna inquitaptin paycunawan fornicaciunta rurapäcurgan jina iduluncunatapis adurapäcurgan. Chaymi maychicaj israelitacuna wanupäcurgan (Nú 25:9). Canan wichanpis chaynolami Diosta mana reguej estudiaj masinchicunawan, familianchicunawan, reguinacushganchicunawan y más runacunawan cawanchi. Caymi yachachimanchi Diosta mana sirvej runacunawan amistä rurashgaga juchatami ruraycächimashwan.

CAY VIDEUTA RICÄCHIY: ISRAELITACUNA LUTANTA RURASHGANPITA YACHACUSHUN (WAQUILANLA). NIRCUR TAPUPÄRIY:

• ¿Ima lutan yarpaytataj Zimrí nirgan Jaminta y waquincunata?

• ¿Imanotaj Finehás Jaminta yanapargan Jehová munashganno yarpachacunanpaj?

• ¿Imanirtaj Diosta mana adurajcunata respetarpis paycunawan amiguga cashwanchu?

• ¿Imanirtaj congregaciunchopis ali amigucunata acrashwan?

• ¿Imanirtaj internetcho mana reguinacushganchicunawan amistäninta ashishwanchu?