Ri testigos rech Jehová kamul kkimulij kibʼ pa jun semana pa jun ja che kbʼix Ja rech Ajawbʼal che. ¿Jas kbʼan chilaʼ? ¿Jas utzilal kariqo we katbʼe pa ri riqbʼal ibʼ?

•  ¿Jas kbʼan pa jun Ja rech Ajawbʼal?

•  ¿Jasche utz katbʼek?

•  Ri kkichomaj jujun taq alabʼom alitomabʼ

 Pa ri Ja rech Ajawbʼal kkʼutik jas kqabʼan che ukojik ri Biblia pa ri qakʼaslemal, ri e riqbʼal ibʼ katutoʼo rech:

•   Kawetaʼmaj ri qastzij chrij ri Dios.

•   Kachʼobʼo jasche kʼo kʼax kimik.

•   Katux jun utz winaq.

•   Kariq utz taq awachiʼl.

 ¿La awetaʼm? Ri lugares che kkimulij wi kibʼ ri testigos rech Jehová kbʼix Ja rech Ajawbʼal che rumal che chilaʼ kya wi ubʼixik chrij ri uQʼatbʼal tzij ri Dios (Mateo 6:​9, 10; 24:14; Lucas 4:​43).

 Ri kya ubʼixik chilaʼ katutoʼo. Ri kkʼut pa ri kiriqbʼal ibʼ ri testigos rech Jehová katutoʼo rech kariq anojibʼal (Proverbios 4:5). Wariʼ kraj kubʼij che ri Biblia katutoʼo rech utz kabʼan che uchaʼik ri jastaq pa ri akʼaslemal y kutzalij uwach jujun taq preguntas, che nimaʼq ubʼanik junam rukʼ:

•   ¿Jasche xyaʼ qakʼaslemal?

•   ¿La ajmak ri Dios che ri kʼaxkʼolil?

•   ¿La kʼo kkʼasiʼ kan chqe chiʼ kojkamik?

 Wariʼ are jujun chke ri e chʼabʼal che kya pa taq ri riqbʼal ibʼ pa sábado o domingo.

•   ¿Jasche rajawaxik kqanimaj ri kubʼij ri Biblia?

•   ¿Jachin rukʼ kqatzukuj wi tobʼanik are chiʼ kqariq kʼax?

•   ¿Jas tajin kubʼan ri uQʼatbʼal tzij ri Dios pa qawiʼ?

 «Jun wachiʼl pa ri clase xpe pa ri riqbʼal ibʼ xtʼuyiʼ rukʼ ri nufamilia y junam xqil ri e wuj. Tekʼuriʼ xubʼij chwe che sibʼalaj utz xuta ri respuestas che kkiya ri qachalal, y xubʼij che pa ri uʼiglesia kʼo ta ri e wuj kukʼ junam rukʼ ri kqakoj oj» (Brenda).

 ¿La awetaʼm? Ri okem pa ri Ja rech Ajawbʼal ktoj taj y kʼo ta pwaq kmolik.

 Ri winaq che kawetaʼmaj kiwach chilaʼ kkiya achuqʼabʼ. Ri Biblia kubʼij che are chiʼ kqamulij qibʼ rajawaxik kqaya qachuqʼabʼ chbʼil taq qibʼ (Hebreos 10:24, 25). Pa wajun uwach Ulew riʼ e kʼi winaq xaq xiw kechoman chkij areʼ, rumal laʼ rajawaxik kojkʼojiʼ kukʼ winaq che kkinimaj ri Dios y che kel kikʼuʼx chqe.

 «Jujun taq mul kinkosik y kinbʼisonik, are kʼu ri kebʼe pa ri Ja rech Ajawbʼal kinkitoʼo. Are chiʼ kintzalij cho wachoch kinkikotik y kʼo chi nuchuqʼabʼ» (Elisa).

 ¿La awetaʼm? Cho ronojel ri uwach Ulew kʼo más che 120,000 congregaciones kech ri testigos rech Jehová, y más che 60,000 Ja rech Ajawbʼal. Y ronojel junabʼ weneʼ 1,500 Ja rech Ajawbʼal kbʼanik rumal che e kʼi winaq tajin keʼopan pa ri riqbʼal ibʼ. a