Dios kkunik kukoj ri uchuqʼabʼ jawiʼ ri kraj wi areʼ (Proverbios 15:3; Hebreos 4:13). Ri Biblia kukʼut taj che ri Dios kʼo pa ronojel lugar xaneʼ kukʼutu che are jun uxlabʼal y che kʼo jun ukʼolbʼal.

•   ¿Jas ubʼanik ri Dios? Are jun uxlabʼal che kilitaj taj (Juan 4:​24). Rumal laʼ maj jun winaq kilowik (Juan 1:18). Pa ri visiones che kʼo pa ri Biblia kukʼutu che ri Dios kʼo jun ukʼolbʼal y kʼo ta jumul kukʼutu che kʼo pa ronojel lugar (Isaías 6:1, 2; Apocalipsis 4:2, 3, 8).

•   ¿Jawchiʼ kʼo wi? Ri Dios kʼo jun ukʼolbʼal che kilitaj taj jun lugar che kjunamataj ta rukʼ ri kajulew. Ri ukʼolbʼal kʼo pa ri kaj (1 Reyes 8:30). Ri Biblia kubʼij che ri ángeles xeʼopan chuwach ri Jehová, a wariʼ kukʼutu che qas kʼo jun kikʼolbʼal (Job 1:6).

We ri Dios kʼo ta pa ronojel lugar, ¿la qas kkun che qachajixik?

 Kkunik. Paneʼ are jun uxlabʼal, ri Dios kok il chke ri winaq che e kʼo cho ri uwach Ulew. Y kojril qonojel ri kqakoj qachuqʼabʼ che upatanexik y kojutoʼo (1 Reyes 8:39; 2 Crónicas 16:9). ¿Jas kubʼan ri Dios che ukʼutik che kok il chqe y che kraj kojuchajij?

•   Are chiʼ kqabʼan qachʼawem: Ri Jehová qas kutatabʼej ri chʼawem che kqabʼan che (2 Crónicas 18:31).

•   Are chiʼ kojbʼisonik: «Ri Ajawaxel naqaj kʼo wi che kitotajisaxik ri ubʼanom chʼaqataʼq ri kanimaʼ kitzaqom kʼut ri eyebʼal kʼuxaj» (Salmo 34:18).

•   Are chiʼ kajwataj jun pixabʼ chqe: Ri Jehová kukoj ri Biblia che uyaʼik qanoʼj y che ukʼamik qabʼe (Salmo 32:8).

Ri qastzij taj chomanik

 Ri kkichomaj jujun winaq: Salmo 139:8 kuqʼalajisaj che ri Dios kʼo pa ronojel lugar kubʼij: «We ta kinpaqiʼ kʼa pa kiwiʼ ri kaj chilaʼ lal kʼo wi we ta kinqaj kʼa chuxeʼ ri ulew xuqujeʼ lal kʼo chilaʼ».

 Ri qastzij: Wajun texto ri kraj ta kubʼij che ri Dios kʼo pa ronojel lugar pa mismo tiempo, xaneʼ kubʼij che ri Dios kkunik kojutoʼo apastaneʼ ri lugar che oj kʼo wi.