Ri Biblia kuqʼalajisaj che ri Dios qastzij kʼolik. Xuqujeʼ kukʼutu che rech qas kqakojo che kʼo ri Dios, rajawaxik kqakoj ri qachomanik rech kqaya taj che ri kichomanik ri e kojonem kojkisacho (1 Juan 5:20; Romanos 12:1). Chqilampeʼ jujun jastaq che kuya ubʼixik ri Biblia che kukʼutu che qastzij kʼo ri Dios:

•   Ri rumal che ri kajulew y ri kʼaslemal kʼo pa cholajil kukʼutu che kʼo xbʼanowik. Ri Biblia kubʼij: «Ronojel ja kabʼan rumal jachin jun. Are kʼu ri xebʼanow ronojel ri jastaq, are ri Dios» (Hebreos 3:4). Weneʼ kchomaxik che wariʼ qas ta nim ubʼanik, are kʼu chke jujun winaq are sibʼalaj nim. a

•   Ri oj winaq, kʼo jun rayinik pa ri qanimaʼ che kqaj kqariqo, y che kuya kikotemal chqe. Wajun rayinik riʼ are ta kchʼaw chkij ri jastaq xaneʼ are ri uchʼobʼik che «kajwataj ri Dios» chqe y kqaqʼijilaj (Mateo 5:3; Apocalipsis 4:11). Rumal che kqanaʼo che kajwataj ri Dios chqe wariʼ kukʼutu che kʼo xojbʼanowik, y che ri Dios kloqʼoqʼenik y xojubʼano rech kqariq kikotemal (Mateo 4:4).

•   Kʼi profecías rech ri Biblia qas xetzʼaqatik are chiʼ qʼaxinaq chi jun tiempo che xetzʼibʼaxik. Are chiʼ xetzʼaqat ronojel, wariʼ xukʼutu che xaq ta winaq xebʼanowik (2 Pedro 1:21).

•   Ri xetzʼibʼan ri Biblia qas qʼalaj che kʼo nim ketaʼmabʼal. Jun kʼutbʼal, e jujun winaq xkichomaj che ri uwach Ulew kʼo chrij jun elefante, jun jabalí, jun wakax, o jun chik awaj. Are kʼu ri Biblia kubʼij: «Che ri uwach Ulew kʼo puwiʼ ri man kʼo taj» (Job 26:7). Xuqujeʼ, ri Biblia kukoj ri tzij «ketekik» are chiʼ kchʼaw chrij ri uwach Ulew (Isaías 40:22, La Biblia. Traducción del Nuevo Mundo). Ri xkitzʼibʼaj ri winaq chke nikʼaj chik nim ubʼanik rumal che are ri Dios xbʼin chke.

•   Ri Biblia kuya urespuesta kʼi preguntas che ri winaq kkibʼan chrij ri Dios. Junam rukʼ: We ri Dios are jun utz Dios y kʼo nim uchuqʼabʼ, ¿jasche kʼo kʼi kʼaxkʼolil cho ri uwach Ulew? ¿Jasche ubʼanom kʼi kʼax ri kojonem che qastzij taj? (Tito 1:16). Ri respuestas che kuya ri Biblia chrij ri preguntas riʼ ktobʼanik rech kkikojo che kʼo Dios.