«Kinbʼan na chi ri at xuqujeʼ ri ixoq, kikʼulelaj na iwibʼ, junam xuqujeʼ ri awijaʼlil rukʼ ri rijaʼlil. Ri rijaʼlil kuwachʼ na ri ajolom, are kʼu ri at kakatz na ri uxeʼ raqan.»

(Génesis 3:15)

«Konojel kʼut ri nimaʼq taq tinimit cho ri uwach ulew kakiriq na tewichibʼal rumal kech. Rumal rech chi at nimaninaq chwe.»

(Génesis 22:18)

«Chpet ri ajawibʼal la. Chbʼan ri rayibʼal la cho ri uwach ulew, jachaʼ ri kabʼan chikaj.»

(Mateo 6:10)

«Ri Dios aj jamaril, kubʼan na chi kuxaqʼalej ri Satanás chuxeʼ ri iwaqan.»

(Romanos 16:20)

«Aretaq konojel ri jastaq keyataj na pa taqik che, kʼate riʼ xuqujeʼ ri Kʼojolaxel kuyaʼ na ribʼ pa taqik che ri Tataxel ri xeyoʼw konojel ri jastaq pa taqik che ri areʼ, rech ri Dios kux na ronojel, puwiʼ ronojel.»

(1 Corintios 15:28)

 «Ri Dios xubʼij ri chiʼm che ri Abrahán xuqujeʼ chke ri rijaʼl [...], areʼ ri Cristo. We ix rech ri Cristo, qas ix rijaʼlil ri Abrahán riʼ.»

(Gálatas 3:16, 29)

«Ri e ajawibʼal re ri uwach ulew e rech chik ri Kajaw xuqujeʼ e rech chik ri uCristo. Kajawin kʼu na puwiʼ ronojel amaqʼel chbʼe qʼij saq.»

(Apocalipsis 11:15)

«Xkʼiʼaq kʼu bʼik ri nimalaj dragón, ri ojer kumatz, ri kabʼix itzel xuqujeʼ Satanás che, ri kebʼusubʼ konojel ri winaq. Xkʼiʼaq bʼik cho ri uwach ulew. Xuqujeʼ ri utaqoʼnibʼ xekʼiʼaq bʼik rukʼ.»

(Apocalipsis 12:9)

«Xuchap ri awaj dragón, ri ojer kumatz, areʼ ri itzel ri Satanás. Jun mil junabʼ kʼut xuximo.»

(Apocalipsis 20:2)