Chqatoʼo ronojel täq winaq che ubʼanik su kraj ri Ajawaxel
Kʼutunem 15
Chqatoʼo ronojel täq winaq che ubʼanik su kraj ri Ajawaxel
¿Suche rajawaxik kabʼij chike nikʼaj chik ronojel su tijan kawetamaj? (1)
¿Chin chike katkunik kaya ubʼixik ri utzalaj täq tzij? (2)
¿Su kkebʼan ri winaq chiʼ kkelo su tijan kqabʼano? (2)
¿Jampaʼ katkunik katel che ubʼixik rutzij ri Ajawaxel kukʼ ri qʼalajsinelibʼ? (3)
1. Awetaʼm chik e kʼi utzalaj täq tzij rech ri Loqʼalaj Pixabʼ. We etaʼmbʼäl riʼ katutoʼo rech kabʼan jun akʼaslemal che qastzij cristiano (Efesios 4:22-24). Xuqujeʼ we etaʼmbʼäl riʼ are qas rajawaxik rech kakʼam jun akʼaslemal che kʼot ukʼisik (Juan 17:3). Ri winaq rajawaxik che kketamaj ri utzalaj täq tzij rech kekʼoltajik (salvarse). Ronojel ri qastzij täq cristianos rajawaxik kkebʼij utzij ri Ajawaxel. Are wariʼ kutaq ri Ajawaxel che rajawaxik kqabʼano (Romanos 10:10; 1 Corintios 9:16; 1 Timoteo 4:16).
2. Katkunik katok che ubʼixik chike ri winaq chin täq awetaʼm kiwäch, ronojel täq tijan kkekʼut chawäch. Chabʼij chike awachilal, awachiʼl pa täq tijobʼäl xuqujeʼ pa achak. Rukʼ ta awiwal kakʼut che kiwäch, chabʼana rukʼ ronojel akʼuʼx (2 Timoteo 2:24, 25). Masach pa jolom che ri winaq are kkil chike ri kubʼan jun winaq chuwäch ri tzij kubʼij. Rumal waʼ, we xiw ri utz kabʼano, wariʼ katutoʼo rech nikʼaj chik katkito (Mateo 5:16; 1 Pedro 3:1, 2, 16).
3. We xqʼax kebʼ oxibʼ qʼij xuqujeʼ attijan che ubʼanik chike täq ktaʼ chawe, katkunik kamaj ubʼixik rutzij ri Ajawaxel junam kukʼ ri congregación kech ri qʼalajsinelibʼ rech Jehová. Wariʼ rajawaxik rech katkʼiy pa akojonik (Mateo 24:14). ¡Jun nimalaj kikotemal wariʼ we katkunik katoʼ jun winaq che upatanexik ri Jehová xuqujeʼ rech kuriq jun ukʼaslemal che kʼot ukʼisik! (1 Tesalonicenses 2:19, 20.)
