Nabʼe taq tzij re ri sección 2
¿Jasche Dios xusachisaj uwach ri uwach Ulew ojer rukʼ jun nimalaj jabʼ? Are chiʼ xumaj ri kikʼaslemal ri winaq, xmaj jun chʼoj: ri utz kchʼojin rukʼ ri utz taj. Jujun chke ri winaq, junam rukʼ ri Adán, Eva xuqujeʼ ri kalkʼwal ubʼiʼ Caín, xkichaʼ ubʼanik ri utz taj. Are kʼo jujun che xkichaʼ ubʼanik ri utz, junam rukʼ Abel xuqujeʼ Noé. Kʼi chke ri winaq xeʼux sibʼalaj e itzel rumal laʼ Jehová xusachisaj kiwach. Pa wajun jupuq bʼantajik riʼ kqetaʼmaj che Jehová krilo jachin ri kqatoʼ xuqujeʼ kukʼutu che areʼ kuya taj che ri itzel kchʼakan pa uwiʼ ri utz.
PA WAJUN SECCIÓN
KʼUTUNEM 3
Adán xuqujeʼ Eva xkinimaj ta ri Dios
¿Jasche nim ubʼanik jun cheʼ che kʼo pa ri unikʼajil ri jardín re Edén? ¿Jasche ri Eva xutij ri uwach?
KʼUTUNEM 4
Sibʼalaj xpe royowal che xukamisaj ri rachalal
Dios xukʼam ri usipanik Abel, are kʼu xukʼam ta rech ri Caín. Are chiʼ Caín xrilo, sibʼalaj xpe royowal tekʼuriʼ xubʼan jun itzelalaj jastaq.
KʼUTUNEM 5
Ri arca re Noé
Ri ángeles che xeniman taj xekʼuliʼ kukʼ ixoqibʼ xuqujeʼ kalkʼwal che sibʼalaj e itzel xuqujeʼ sibʼalaj nim ri kaqan. Pa ronojel lugar kʼo itzelal. Are kʼu ri Noé kuloqʼoqʼej xuqujeʼ kunimaj ri Dios.
KʼUTUNEM 6
Wajxaqibʼ winaq kkimaj jun kʼakʼ uwach Ulew
Ri nimalaj jabʼ xuchʼij 40 qʼij xuqujeʼ 40 chaqʼabʼ. Noé xuqujeʼ ri ufamilia xekʼojiʼ pa ri jukubʼ pa más che jun junabʼ. Kʼisbʼal re ri Dios xubʼij chke che kekunik keʼel loq.
