KʼUTUNEM 34
¿Jas kqabʼan che ukʼutik che kqaloqʼoqʼej ri Jehová?
¿La más xnimar ri awachilanik rukʼ ri Dios rumal che tajin kawetaʼmaj chrij ri Biblia? ¿La kawaj kanimarisaj más ri awachilanik rukʼ? Chiʼ ri Jehová krilo che más kaloqʼoqʼej ri areʼ xuqujeʼ más katuloqʼoqʼej y katuchajij. ¿Jas kabʼan che ukʼutik che kaloqʼoqʼej ri Jehová?
1. ¿Jas kqabʼan che ukʼutik che kqaloqʼoqʼej ri Jehová?
Rumal ri qanimanik kqakʼutu che kqaloqʼoqʼej (chasikʼij 1 Juan 5:3). Are kʼu ri areʼ kojutaqchiʼj ta che ubʼanik wariʼ. Xaneʼ, kuya bʼe chqe che oj kojchowik we kqaj kqanimaj o kqaj taj. ¿Jasche? Rumal che ri Jehová kraj che rukʼ ronojel qanimaʼ kqanimaj (Romanos 6:17). Kraj kubʼij che ri areʼ kraj che kqanimaj rumal che kqaloqʼoqʼej y man xata rumal che kojtaqchixik. Ri secciones 3 y 4 che kʼo pa wajun wuj riʼ katutoʼo rech kakʼut loqʼoqʼebʼal che ri Jehová pa kebʼ jastaq: kabʼan ri utz krilo y kaxutuj ri itzel krilo.
2. ¿Jasche jujun taq mul kʼax kqabʼan che ukʼutik loqʼoqʼenik che ri Jehová?
«Ri utzalaj winaq riʼ kokʼow pa kʼi taq kʼaxkʼolil» (Salmo 34:19). Qonojel oj ajmakibʼ. Xuqujeʼ, weneʼ kʼax kqabʼan che uriqik ri pwaq, kbʼan itzelal chqe o kqariq nikʼaj chi kʼax. Are chiʼ kojqʼax pa kʼaxalaj taq qʼij, weneʼ kʼax kqabʼan che unimaxik ri Jehová. Are kʼu we kakoj achuqʼabʼ che unimaxik, tajin kakʼut chuwach che más kaloqʼoqʼej chuwach jun chi jastaq. Xuqujeʼ we kakʼut sukʼilal, ri areʼ ni jumul katuya kanoq (chasikʼij Salmo 4:3).
CHANIMARISAJ RI AWETAʼMANIK
Chqilampeʼ jasche sibʼalaj kkikot ri Jehová are chiʼ kqanimaj y jas kojtowik rech kojkunik kqakʼut sukʼilal.
3. Jun molom tzij che kʼo kubʼan pa akʼaslemal
Ri Biblia kubʼij che ri Satanás man xaq xiw ta chrij ri Job xumol wi tzij, xaneʼ xuqujeʼ chkij ri upatanelabʼ ri Jehová. Chisikʼij Job 1:1 y 1:6–2:10, y chixtzijon chrij wariʼ:
-
¿Jas molom tzij xubʼij Satanás chrij ri Job? (Chiwilaʼ Job 1:9-11).
-
¿Jas molom taq tzij kubʼij ri Satanás chqij kimik? (Chiwilaʼ Job 2:4).
Chisikʼij Job 27:5b TNM y chixtzijon chrij wariʼ:
-
¿Jas xubʼan Job che ukʼutik che qas kuloqʼoqʼej ri Jehová?
Ri usukʼilal ri Job xukʼutu che xuloqʼoqʼej ri Jehová.
Rumal ri qasukʼilal kqakʼutu che kqaloqʼoqʼej ri Jehová.
4. Chayaʼ kikotemal che ri Jehová
Chisikʼij Proverbios 27:11 y chixtzijon chrij wariʼ:
-
¿Jas kunaʼ riʼ ri Jehová are chiʼ katniman che y kachaʼ ubʼanik ri utzilal? ¿Jasche?
5. At katkunik kakʼut sukʼilal che ri Jehová
Ri qasukʼilal y ri loqʼoqʼebʼal che kqanaʼ che ri Jehová kubʼano che kojtzijon kukʼ nikʼaj chik chrij ri areʼ. Paneʼ jujun taq mul kʼax kqabʼan che ubʼanik. Chiwilaʼ ri VIDEO y chixtzijon chrij wariʼ:
-
¿La kʼax kabʼan che utzijoxik chrij ri Jehová chke nikʼaj chik?
-
Junam rukʼ ri xqil pa ri video, ¿jas xubʼan Grayson rech kuxeʼj ta chi ribʼ?
Kʼax ta kqabʼan che ukʼutik sukʼilal che ri Jehová are chiʼ kqaloqʼoqʼej ri utz krilo y kqaxutuj ri itzel krilo. Chisikʼij Salmo 97:10 y chixtzijon chrij wariʼ:
-
Junam rukʼ ri qetaʼmam chik, ¿jas más utz kril ri Jehová? ¿Y jas ri itzel krilo?
-
¿Jas kabʼan che retaʼmaxik ri utz kril ri Jehová y kaxutuj ri itzel krilo?
6. Unimaxik ri Jehová kuya utzilal chqe
Unimaxik ri Jehová are ri más utz. Chisikʼij Isaías 48:17, 18 y chixtzijon chrij wariʼ:
-
¿La qas retaʼm ri Jehová ri más utz chqe? ¿Jasche?
-
¿Jas atutoʼm wi retaʼmaxik chrij ri Biblia y retaʼmaxik más chrij ri Jehová?
RI KKICHOMAJ JUJUN WINAQ: «Kʼo ta kubʼij riʼ ri Dios che ri kinchaʼ ubʼanik».
-
¿Jas texto kakojo rech kakʼutu che ri Jehová kkikotik o kbʼison rumal ri kqachaʼ ubʼanik?
RI XQETAʼMAJ
Kakʼutu che kaloqʼoqʼej ri Jehová are chiʼ kanimaj y kakʼut sukʼilal chuwach paneʼ kariq kʼax.
¿La kna’taj chawe?
-
¿Jas kawetaʼmaj chrij ri ukʼutbʼal ri Job?
-
¿Jas kabʼan che ukʼutik che kaloqʼoqʼej ri Jehová?
-
¿Jas kattowik rech kaya ta kan ukʼutik sukʼilal che ri Jehová?
CHAWILAʼ CHI NIKʼAJ
Chawilaʼ jas kabʼan che ukʼutik sukʼilal che ri Jehová y che ri congregación.
Chawilaʼ más chrij ri molom taq tzij che xubʼij ri Satanás.
«Ri Job xuya ta kan ri sukʼilal» (Ri Utzij ri Dios xuqujeʼ ri kutzijoj, kʼutunem 6)
Chawilaʼ che ri alaj taq akʼalabʼ xuqujeʼ kekunik kkikʼutu che kkiloqʼoqʼej ri Jehová.
¿Jas rajawaxik kkibʼan ri alabʼom alitomabʼ che ukʼutik sukʼilal chuwach ri Dios are chiʼ e kʼo chkixoʼl kʼi winaq?
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
