Ri Jehová kraj che kekikot ri familias (Sl 127:3-5; Ec 9:9; 11:9). Are kʼu, rumal che jujun taq mul oj kosinaq o kqabʼan jun jastaq che utz taj, kubʼano che kojkikot ta chi pa ri familia. ¿Jas rajawaxik kkibʼan ri tat nan y ri alkʼwalaxelabʼ rech kʼo kikotemal pa ri familia?

Jun utz achajil nim kril wi ri rixoqil (1Pe 3:7). Kkʼojiʼ rukʼ, kutatabʼej y kumaltyoxij che ronojel ri chak kubʼano (Col 3:15). Kubʼij che che sibʼalaj kraj y kubʼij utz taq tzij che (Pr 31:28, 31).

Jun utz ixoqil amaqʼel kukoj uchuqʼabʼ che utoʼik ri rachajil (Pr 31:12). Kniman che y kutoʼ rukʼ ri kuchaʼ ubʼanik (Col 3:18). Utz kubʼan che uchʼabʼexik y utz kchʼaw chrij kukʼ nikʼaj chi winaq (Pr 31:26).

Ri e utz taq tat nan kekʼojiʼ kukʼ ri kalkʼwal (Dt 6:6, 7). Kkibʼij chke che kekaj (Mt 3:17). Rukʼ utzil kekipixbʼej (Ef 6:4).

Ri e utz taq alkʼwalaxelabʼ nim kekil wi ri kitat kinan y kekinimaj (Pr 23:22). Kkibʼij chke ri kitat kinan ri kkichomaj y ri kkinaʼo. Y kkikʼam ri pixabʼ kbʼix chke (Pr 19:20).

ARE CHIʼ AWILOM CHI RI VIDEO ¿JAS KBʼANIK RECH KʼO KIKOTEMAL PA RI FAMILIA?, CHATZALIJ UWACH RI PREGUNTA RIʼ:

¿Jas xkibʼan ri tat, ri nan y ri alkʼwalaxelabʼ rech más xekikotik?