Pa ri pestaña ri xmajtaj wi uloq re jw.org kʼo kʼutunem y videos che utz kkil ri winaq (Hch 13:48). Chilaʼ keya kʼutunem che keʼil pa taq ri noticias che kuya bʼis chke ri winaq.

¿Jas kqabʼan che ukojik ri pestaña ri xmajtaj wi uloq re jw.org are chiʼ kqatzijoj ri utzij ri Dios?

• Amaqʼel chatok chupam ri qakʼolbʼal jw.org. Chawilaʼ ri kʼutunem che yaʼom chilaʼ y chatchoman chrij ri kabʼan che ukojik kukʼ ri winaq (rech kawil más kʼutunem che kʼateʼ xel loq, chapitzʼaʼ jawiʼ kubʼij wi «Chawilaʼ chi nikʼaj»). ¡Kariq utz taq tobʼanik che katutoʼo rech katkikot che utzijoxik ri utzij ri Dios!

• Cheʼakojoʼ kʼutunem y videos re ri pestaña ri xmajtaj wi uloq rech kamajij tzijonem kukʼ ri winaq. Je wariʼ kawetaʼmaj ri kkibʼisoj ri winaq.

• Chakʼutuʼ ri pestaña ri xmajtaj wi uloq. Chakʼutuʼ jujun taq kʼutunem y chabʼij ri kbʼan che utzukuxik.

• Chataqaʼ ri enlace che ri winaq. Paneʼ jujun winaq kkaj taj kojkitatabʼej, are kʼu utz kkilo keʼok pa ri qakʼolbʼal re internet. Chataqaʼ jun enlace re jun kʼutunem o jun video che ri winaq che kraj kretaʼmaj chrij ri Biblia.