We más katchoman chrij ri kakʼulmaj weneʼ kubʼan kʼax che ri achomanik y kariq yabʼil. Weneʼ kubʼan más kʼax chqe chuwach ri tajin kqariqo.

•  Kakoj ta más tiempo che rilik o usikʼixik noticias. Rajawaxik taj kawetaʼmaj ronojel ri kkʼulmatajik. We más kqaya qatiempo che rilik o utaʼik noticias wariʼ kuya bʼis y kubʼano che kqaxeʼj qibʼ.

   Texto re ri Biblia: «Ri animaʼaj ri kbʼisonik kuqʼip chuqʼabʼ» (Proverbios 17:22).

   «Kʼax taj kqanaqʼatisaj qibʼ rech aninaq kqil ri kʼateʼ xyaʼ ubʼixik. Are kʼu wariʼ kubʼan kʼax chqe. Kinwilo che qas ta kinbʼisonik are chiʼ kinwil ta chi más noticias» (John).

   Chachomaj wariʼ: ¿Jampaʼ mul rajawaxik kawil ri noticias rech kawetaʼmaj ri tajin kkʼulmatajik?

•  Chabʼanaʼ jun horario. Chakojoʼ jun hora rech katwaʼlijik, katij awa, katewaroq y rech kabʼan ri ataqkil pa ri awachoch. Ubʼanik wariʼ katutoʼ rech más ta katbʼison chrij ri majaʼ kkʼulmatajik.

   Texto re ri Biblia che katutoʼo: «Ri chomanik taq ri utz kichomaxik utz keʼel na» (Proverbios 21:5).

   «Are chiʼ xumajij ri nimalaj yabʼil COVID-19, xinbʼan ta chi ri kinbʼan nabʼe xaneʼ más kʼi chi horas kinkoj che ubʼanik jastaq che kʼo ta kinutoʼ wi. Rumal che kwaj utz kinbʼan che ukojik ri tiempo xinbʼan jun horario rech kinya pa cholajil ronojel ri rajawaxik kinbʼano» (Joseph).

   Chachomaj wariʼ: ¿La akojom jun hora rech kabʼan ri rajawaxik pa jun qʼij? Y are chi kkʼis ri qʼij, ¿la kawilo che ri horario riʼ katutoʼo?

•  Chkʼol jun utz achomanik. We xaq xiw katchoman chrij ri katkun taj kabʼano o ri majaʼ kkʼulmatajik weneʼ xa kuya más bʼis chawe. Xaneʼ chnaʼtaj ri e jastaq chawe che kawaj kamaltyoxij.

   Texto re ri Biblia che katutoʼo: «Chiyaʼ [...] kʼu maltyoxinik» (Colosenses 3:15).

   «Are chiʼ kinsikʼij ri Biblia, kinchoman ta chi chrij ri kuya bʼis chwe. Weneʼ kachomaj che wariʼ kʼax ta ubʼanik are kʼu nim upatan» (Lisa).

   Chachomaj wariʼ: We xaq xiw katchoman chrij ri kʼax che kariqo katkikot ta riʼ pa ri akʼaslemal.

•  Cheqatoʼ ri nikʼaj chik. Are chiʼ kqakʼulmaj jun kʼax pa ri qakʼaslemal weneʼ kqaj taj kojchʼaw kukʼ nikʼaj chik, are kʼu ri utz che kqabʼano are che kojchoman chrij ri kqabʼan che kitoʼik ri kʼo kajwataj chke.

   Texto re ri Biblia che katutoʼo: «Kʼo jun mutzukuj xuwi ri qas utz che, xaneʼ xuqujeʼ ri utz na chke ri juleʼ chik» (Filipenses 2:4).

   «Kitoʼik ri e nikʼaj chik kuya kikotemal chawe. Ri tobʼanik che kaya chke kuya kichuqʼabʼ xuqujeʼ kuya achuqʼabʼ at y kubʼano che katchoman ta chi más chrij ri kʼax che tajin kariqo» (María).

   Chachomaj wariʼ: ¿La ko jun winaq che kachʼobʼ uwach y che kajwataj tobʼanik che? ¿Jas kabʼan che utoʼik?

•  Chachajij awibʼ rech katyawaj taj. Chabʼanaʼ ejercicio, chatwar ri hora che rajawaxik y chachajij ri katijo. Uchajixik awibʼ katutoʼo rech kʼo jun utz achomanik y rech katbʼison ta más chrij ri tajin kakʼulmaj.

   Texto re ri Biblia che katutoʼo: «Ri ukojik qachuqʼabʼ rukʼ ri qacuerpo [...] kojutoʼ» (1 Timoteo 4:8).

   «Ri in y ri wal kojkun ta más kojbʼe che ubʼanik ejercicio, rumal laʼ qabʼanom jun horario rech kqabʼan pa qachoch. Wariʼ ubʼanom che utz qawach y che kʼo jun utz achilanik chqaxoʼl» (Catherine).

   Chachomaj wariʼ: ¿La rajawaxik kachajij ri katijo y kabʼan más ejercicio rech utz awach?

 Unimaxik ri e pixabʼ riʼ e utoʼom kʼi winaq rech kechoman ta más chrij ri tajin kkikʼulmaj. Are kʼu, ri más e utoʼom are retaʼmaxik ri utzalaj kʼaslemal che kuya ubʼixik Biblia, qas kojkunik kqakubʼsaj qakʼuʼx chrij ri utzujum ri Biblia. Chasikʼij ri kʼutunem «¿Qué hará el Reino de Dios?».