¡AMAQʼEL CHIXKʼASKʼATOQ!

Ri kiqʼijilaxik ri e tyox | ¿Jas kubʼij ri Biblia chrij wariʼ?

TAJIN KUJAQ PA

Ri agencia católica re noticias Catholic News Service, xubʼij che pa ri 25 re marzo 2022 xbʼan jun misa pa ri Basílica de San Pedro. Xuqujeʼ xubʼij, che ri papa Francisco xxukiʼ chuwach ri uwachbʼal ri María, xubʼan uchʼawem y xutaʼ jamaril che. Pa ri internet Vatican News xyaʼ ubʼixik che ri papa xubʼan uchʼawem «pa kiwiʼ konojel ri winaq, más na pa kiwiʼ ri re Rusia y Ucrania che ri Inmaculado Corazón de María».

¿Jas kachomaj? ¿La utz kqabʼan qachʼawem che jun tyox o kqakoj jun wachbʼal che uqʼijilaxik ri Dios? Chatchoman chrij ri kkibʼij ri vercículos riʼ:

«Kʼo jun adios mabʼan chawe mawi uwachbʼal ri kʼo ajsik chupam ri kaj mawi uwachbʼal ri kʼo ikim chuwach ri ulew mawi uwachbʼal ri kʼo chupam ri plo chuxeʼ ri ulew. Mamej awibʼ chkiwach mawi meʼayaʼ qʼijilanik chke, rumal rech chi in riʼ ri Ajawaxel [Jehová] ri aDios, Dios achixomanel» (Éxodo 20:4, 5). a
«Ri e kidioses ri winaq e re qʼan pwaq xuqujeʼ saq pwaq, e jastaq ri e kibʼanom ri winaq kukʼ taq ri kiqʼabʼ; kʼo kichiʼ, man kʼu kekun taj kechʼawik; kʼo kibʼaqʼwach, man kʼu kekun taj kekaʼyik; kʼo kixikin, man kʼu kekun taj ketanik; kʼo kitzaʼm, man kʼu kekun taj kesiqonik; kʼo kiqʼabʼ, man kʼu kekun taj kenaqan kukʼ ri kiqʼabʼ; kʼo kaqan, man kʼu kekun taj kebʼinik; ¡Man kʼo ta jun tzij kel ta pa kichiʼ! Ri xebʼanowik xaq e junam kukʼ we dioses riʼ, xuqujeʼ ri kekojon chke» (Salmo 115:4-8).
«In riʼ ri Jehová. Are nubʼiʼ waʼ; kinya ta ri nuqʼijilanik chke ri e tyox che xaq e bʼanom» (Isaías 42:8, Traducción del Nuevo Mundo).
«Chixanimaj chuwach ri kqʼijilaxik taq ri dioses» (1 Corintios 10:14).
«Meʼiwoqaj ri dioses» (1 Juan 5:21).

We kawaj kawetaʼmaj jas más kubʼij ri Biblia chrij ukojik ri e tyox che uqʼijilaxik ri Dios, chawilaʼ ri kʼutunem «El punto de vista bíblico: Las imágenes» o chawilaʼ ri video ¿La kraj ri Dios che kekoj e tyox rech kqʼijilaxik?

Weneʼ xuqujeʼ kawaj kawetaʼmaj jas kubʼij ri Biblia chrij ri e kʼutunem riʼ: