Jesus wanunqanta yarpänapaq reunion
Säbadu 12 de abril 2025
Jehoväpa testïgunkunaqa cada watam juk shumaq reunionta rurayä Jesus wanunqanta yarpäyänäpaq. Tsë reunionpaq parlarmi Señor Jesus kënö nirqan: “Noqata yarpäyämarnï këta rurar sïguiyë” (Lücas 22:19).
Tsë reunionmanmi invitariyaq.
Musyëta munayanqan
¿Ëka tiemputan tsë reunion kanqa?
Juk höranömi.
¿Mëchötan kanqa?
Jehoväpa testïgunkunata tapuy, pëkunam willayäshunki.
¿Yëkuyänampaq cobrakuyanku?
Manam.
¿Qellëta mañakuyanku?
Manam.
¿Imanötan vistikushwan ëwanapaq?
Imanö vistikunapaq kaqtaqa kikintsikmi decidinantsik, Jehoväpa testïgunkunaqa Bibliachö ninqannö shumaq y alli pensëkur vistikuyänäpaqmi kallpachakuyä (1 Timoteu 2:9). Tsënö reunionkunaman ëwanapaqqa manam alläpa chaniyoq röpataraqtsu rantinantsik.
¿Imanötan Jesus wanunqanta yarpänapaq reunionqa?
Puntataqa juk canciontam cantantsik y juk wawqim Jehoväman mañakamun. Tsëpitanam Jesus imanir wanunqanta y wanunqan imanö yanapamanqantsikta juk discursuchö Bibliawan yachatsikayämun. Reunionta ushanapaqnam yapë cantantsik, y juk wawqim Jehoväman mañakamun.
Maslla musyëta munarqa “Jehoväpa testïgunkunaqa, ¿imanirtan Señorpa Cënanta juk religionkunachönötsu rurayan?” ninqanta leyi.
Shamoq watakunachöqa, ¿imëtan Jesus wanunqanta yarpänapaq reunion kanqa?
2025: säbadu 12 de abril.
2026: juëvis 2 de abril.
Capaz këkunapis gustashunki
JESUS WANUNQANTA YARPÄNAPAQ REUNION
Jesus wanunqanta yarpäshun
Jesus ninqannölla wanïninta yarpärinapaqmi invitariyaq. Jesuspa kawënin y wanïnin imanö yanapashunëkipaq kaqta yachakuri.
ENSEÑANZAS IMPORTANTES DE LA BIBLIA
¿Imanirtaq Jesusqa wanurqan?
Jesus wanunqanqa alläpa yanapakunqantam Bibliaqa nin. ¿Imanirtaq Jesus wanunan?