Malaquïas 4:1-6
4 “¡Rikäyë! Hornunö alläpa achachëkaq tiempuqa chëkämunnam,+ allish tukoqkuna y mana allita ruraqkunam tsaki plantanö kayanqa. Tsë tiempuqa llapankunatam ushakätsinqa, y manam watsinkuna o matsunkuna* ni rämankunapis salvakunqatsu, ninmi angelkunata mandaq Teyta Jehovä.
2 Peru jutïta respetaqkunataqa, justiciata apamoq inti o rupay aktsirmi imëkapita alliyätsiyäshunki, y mallwa wira* törunömi saltakachäyanki”.
3 “Tsëkunata ruranä tiempuqa, mana allita ruraqkunaqa chakikikunachö polvunömi kayanqa, y qamkunaqa jarurmi ushayanki” ninmi angelkunata mandaq Teyta Jehovä.
4 “Llapëki israelïtakuna cäsukuyänëkipaq Horeb jirkachö sirwimaqnï Moisesta entreganqä Leyta, ninqäkunata y mandakunqäkunata yarpäyë.+
5 ¡Rikäyë! Noqa Jehoväpa mantsëpaq y espantëpaq nunakunata juzganä tiempü manaraq chämuptinmi,+ willakoqnï Elïasta mandamushaq.+
6 Pëqa, noqa shamur entëru patsata mana ushakätsinäpaqmi, papä kaqkunapa shonqunkunata tsurinkunapa shonqunkunatanö tikratsinqa,+ y tsuri kaqkunapa shonqunkunatam papäninkunapa shonqunkunatanö tikratsinqa”.
