Ezequiel 19:1-14
-
Israelchö mandakoqkunapaq llakishqa cantan (1-14)
19 “Wanupakushqakuna cantayanqan cancionta Israelchö mandakoqkunapaq cantë.
2 Kënömi cantanëki:
‘¿Pitan mamëki karqan? Mamëkiqa china leonmi karqan.
Kallpasapa mallwa leonkunapa chowpinchömi* punurqan, tsëchömi wawankunata wätarqan.
3 Tsë leonpa juk wawanmi,mas jatunyar kallpasapa tikrarqan.+
Y tukuyläya animalta wanutsitam o wañutsïtam yachakurqan,hasta nunatapis wanutseqmi.
4 Tsëta musyëkurmi juk nacion nunakunaqa, pözuman qatïkur achkuyarqan,*tsëpitanam alli cadenarkur Egiptu markaman apayarqan.+
5 Mamanqa kutimunantam shuyararqan,peru mana kutimuptinnam juk kaq wawantana kallpasapa kanampaq yachatsirqan.
6 Tsë malta leonqa kallpasapam tikrarqan y leonkuna rurinchömi purirqany imëka animalkunata wanutsitam o wañutsïtam yachakurqan, hasta nunatapis wanutseqmi.+
7 Alli rurashqa törrikunapa waqtampam imë hörapis purikaq,markakunatam ushakätseq y qaparinqanqa tsë ushakashqa markakunachömi wiyakaq.+
8 Tsënam amänun nacionkunapita nunakuna shamuykur,uchkuman qatïkur mällawan achkuyarqan.*
9 Alli cadenëkurmi jaulaman wichqayarqan, tsëpitanam Babiloniachö gobernaqman apayarqany Babiloniaman chëkatsirnam wichqëkuyarqan, tsëmi Israel jirkakunachö qapareqtaqa wiyayarqannatsu.
10 Mamëkiqa yaku kuchunchö plantarëkaq* üvasnömi karqan.+
Mëtsika yaku kaptinmi, alli wayoq y mëtsika rämayoq kaq.
11 Mëtsika fuerti rämayoqmi karqan y tsë rämakunaqa, gobernantikuna mandakuyänan tukrupaqmi alli kaq,tsë qeruqa o montiqa wakin qerukunapitapis mas shumaqmi karqan,tsëmi mas jatun kaptin y mëtsika rämayoq kaptin pïmëpis reqiyaq.
12 Peru alläpa cölerarmi tsë qerutaqa o montitaqa sutarir jitariyarqan,+tsënam inti o rupay yarqamunan lädupita shamoq vientuwan frütankunapis tsakirirqan.+
Y pakikacharkuyaptinmi fuerti rämankunapis tsakiskirqany ninawanmi rupatsiyarqan.+
13 Kananqa tsë qeruqa o montiqa tsunyaq sitiuchömi plantarëkan,yakunnaq tsaki sitiuchö.+
14 Rämankunata* rupëkaq ninam tseqllimoqninkunatapis y frütankunatapis rupar ushashqa.
Fuerti rämankunaqa manam ni jukllëllapis quedashqatsu. Manam gobernantikuna mandakuyänan tukrupaq jukllëllapis kantsu.+
Kë cancionqa wanupakushqakuna cantayanqan cancionmi y wanupakoqkunam kë cancionta cantayanqa”’.
Nötakuna
^ Kënöpis niyanmi: pullanninchömi.
^ Kënöpis niyanmi: tsariyarqan.
^ Kënöpis niyanmi: tsariyarqan.
^ Hebreu idiömachöqa “yawarnikichö plantarëkaq” ninmi.
^ O “Värankunata”.
