Job 30:1-31
30 Kananqa mas jövin kaqkunamnoqapita asikuyan,+pëkunapa papäninkunataqa manachi permitïmantsu karqanüshäkunata cuidaq allqukunata yanapayänanllatapis.
2 Yanapamëta puëdikarpis,manam pëkunaqa yanapayämashqatsu.
3 Imankunapis mana kaptin y mallaqarmi,imapis mana kanqan tsunyaq sitiuchö,arënata kachur puriyan.
4 Jatusaq plantakuna rurimpitam pochqoq plantakunata pallayan,y retämapa matsuntam o watsintam* mikuyan.
5 Markankunapitam qarqushqa kayan,+y suwakoqtanömi imëkata niyan.
6 Pëkunaqa ladërakunachö,uchkukunachö y qaqakunachömi kawayan.
7 Jatusaq plantakuna rurimpitam qayëkachäyan,shinwakuna o ishankakuna lädunmanmi juntakäyan.
8 Juiciunnaq y jutinnaq nunakunapa tsurinkuna karmi,nacionninkunapita qarqushqa kayashqa.
9 Kananqa cantayanqanchöpis noqapitam burlakuyan,+y pïmëpis mana allipam rikäyäman.+
10 Melanämarmi noqapita witikuyan,+y mana mantsakushpam cärächö toqapayäman.+
11 Defendikunäpaq kapamanqanta ushakätsirmi Teyta Diosqa penqakatsimashqa,tsëmi puntächöpis munayanqanta rurayan.
12 Juntakëkur derëcha lädüpa yurirkayämuptinmi,mëpapis qeshpir ëwakü.
Ushakätsimëta munarmi purinqä nänimampis imëkata churayan.
13 Pillapis mana michaptinmi,*purinqä nänita ushakätsir,masraq sufritsiyäman.+
14 Juchushqa* perqapanömi yëkayämun,y imëka ushakashqa janampam shayämun.
15 Imëka pasamanqanmi alläpa mantsakätsiman.
Respetashqa kanqä y salvashqa këta shuyaranqäpis,vientu apakunqan pukutënömi ushakashqa.
16 Imëka sufrimientum noqaman chämushqa+y wanuypis janächönam këkan.+
17 Paqaspapis tullükunayaqmi nanatsikü,+y tsë nanëqa manam ushakantsu.+
18 Röpäpis* sutakarmi ushan,y röpäpa kunkampis jurkëkämannam.
19 Teyta Diosqa mitumanmi jitarkamashqa,allpanö y uchpanömi këkä.
20 Yanapëkamänëkipaq rogakamuptïpis manam wiyamankitsu,+y sharkuptïpis rikarämankillam.
21 Conträ churakarmi imëkata ruramarqunki,+y llapan kallpëkiwanmi conträ këkanki.
22 Pallarkamarmi vientuwan apakamanki,y shukukuy vientuwanmi ushakätsimanki.
23 Musyämi wanuyman o wañuyman apëkämanqëkita,llapan wanoqkuna chäyanqan sitiuman.
24 Mana allikunapa pasar yanapëkuyänampaqllakishqa rogakoq nunataqa, manachi masqa ni pï sufritsinmantsu.+
25 Noqaqa mana allipa pasëkaqkunapaqmi waqaq kä,y waktsakunapaqmi llakikoq kä.+
26 Allikunata shuyëkaptïmi mana allikunalla chämushqa,aktsita shuyëkaptïmi ampilla o tsakëlla* chämushqa.
27 Shonqüchö imëkapaq yarpachakurmi,mana alli sientikurqö.
28 Llakishqallam wakpa këpa purï,+ noqapaqqa manam intipis o rupaypis aktsintsu.
Juntarëkaq nunakunatam yanapëkayämänampaq sharkur rogakü.
29 Chukaru allqukunapa wawqinnö,y avestruzkunapa amïgunnömi tikrarqö.+
30 Qaräpis yanayarmi shikwëkan,+y tullüpis ninanöran* achachëkan.
31 Arpataqa nuna wanuptinllam tocayan,y flautätapis waqayaptinllam tocayan.
Nötakuna
^ Kënöpis niyanmi: jawantam; chapantam; sipintam.
^ O capazchi “mana pillapis yanapaptinmi”.
^ Kënöpis niyanmi: Laqmashqa.
^ Tsënö nirqa, capazchi qarampaq parlëkan.
^ Kënöpis niyanmi: tutapëlla.
^ O capazchi “fiebriwanmi”.
