Job 33:1-33
33 Job, kananqa parlamunqätay ninqäkunata shumaq wiyamë.
2 Shimï parlanqantaalkäbulla wiyamë.
3 Parlamunqäqa limpiu shonquyoq kanqätam rikätsikunqa,+y shimïqa musyanqäpitam rasun kaqllata parlamunqa.
4 Teyta Diosmi poderninwan kamamashqa,+y Llapanta Puëdeq Diosmi kawatsikoq jamaninwan kawëkaqta katsiman.+
5 Puëdirninqa ninqäkunapita defendikur contestamë.
6 Teyta Diospa rikënimpaqqa,noqapis qamnöllam allpapita rurashqa kä.+
7 Tsëmi mantsamänëkitsu,ni ninqäpita llakikunëkitsu.
8 Qamqa wiyëkaptïmi,kutin kutin kënö nirqunki:
9 ‘Noqaqa limpiu y jutsannaqmi* kä,+manam jutsata rurarqötsu, y culpannaqmi kä.+
10 Peru Teyta Diosqa culpamarmi conträ churakashqa,y chikeqnintanömi rikäman.+
11 Chakïtapis uchkuyoq tablamanmi* amutsishqa,*y mëpa ëwanqätapis rikarëkanmi’.+
12 Peru ninqëkikunaqa manam rasumpatsu, tsëmi këta nishqëki:
Teyta Diosqa, imëkachömi wanoqlla nunakunapita mas alli.+
13 ¿Llapan tapukunqëkita mana contestamushqa kaptinku,+pëpita tsënö quejakunki?+
14 Teyta Diosqa kutin kutinmi imatapis willakun,peru manam ni pï cäsuntsu.
15 Tsëtaqa ruran,cämankunachö wanushqanö punuykäyaptin,+imatapis suëñutsir o revelarmi.
16 Rinrinchö parlaparmi,+imata rurayänampaq kaqtapis yachatsin.*
17 Tsëtaqa ruran mana alli rurëkunata dejayänampaq,+y orgullösu këpita cuidakuyänampaqmi.+
18 Teyta Diosqa, sepultürapita+y espädawan wanutsiyänampitam nunakunata salvan.
19 Cämanchö jitarëkar nanatsikuyanqan y tullunkuna nananqampis,rurëkäyanqanman yarpachakuyänampaqmi yanapan.
20 Tsëmi mikuytapis melanäyanqa,y alli mikuytapis munayanqatsu.+
21 Ëtsan manana kaptinmi,tullunkunapis yuparillapaq këkan.
22 Tsëmi pëkunaqa wanuyllatana shuyarëkäyan,y vïdankunapis wanutsita munaqkunapa makinchömi këkan.
23 Mil willakoqkunapita* mëqanllapisima alli kanqanta nunata yachatsiptinqa,
24 nunata llakiparmi* Teyta Dios kënö nin:
‘Salvashqa kanampaqmi päguta tarirqö.+
Wanuypita salvëkullë.+
25 Ëtsampis jövin kanqampita mas luchuraq* katsun,+y kallpampis jövin kanqan witsannö katsun’.+
26 Rogakunqantapis+ Teyta Diosqa wiyanqam.
Teyta Diosta rikarmi kushikur qayëkachanqa,y Teyta Dios yanapaptinmi rikëninchö yapë alli nuna kanqa.
27 Tsë nunam wakinkunata kënö ninqa: ‘Mana allita rurarmi jutsata* rurarqö,+peru Teyta Diosqamanam ruranqämannötsu castigamashqa.*
28 Pë wanunäpita* salvamashqa kaptinmi,+yapë atsikyaqta rikäshaq’.
29 Teyta Diosqa ishkë o kima kutimnunakunapaq tsëkunata ruran,
30 sepultürapita salvanampaq,y atsikyëta yapë rikäyänampaq.+
31 Tsëqa Job alkäbulla wiyaramë,y maskunata parlamunäpaq upällalla wiyaramë.
32 Ninqëkikuna rasumpa kanqantam rikätsikuyta munä,tsëmi imatapis nimänëki kaptinqa juklla nimë.
33 Nimänëkipaq imapis mana kaptinqa,yachëyoq kanëkipaq qamta yachatsinqaqta upälla wiyamë”.
Nötakuna
^ Kënöpis niyanmi: pecädunnaqmi.
^ O “cëpumanmi”.
^ Kënöpis niyanmi: jatashqa.
^ O “peqankunaman o umankunaman churan”.
^ O “angelkunapita”.
^ Kënöpis niyanmi: ankuparmi; kuyaparmi.
^ O “mas alliraq”.
^ Kënöpis niyanmi: pecäduta.
^ O capazchi “tsëqa manam imachöpis yanapamashqatsu”.
^ O “sepultürapita”.
