Job 41:1-34
-
Cocodrïlupaq Teyta Dios parlan (1-34)
41 ¿Puëdinkimantsuraq cocodrïluta anzuëluwan tsarita*+o qallunta waskawan watëta?
2 ¿Puëdinkimantsuraq senqampa waskata pasatsitao pescana ganchuwan* chakallwampita* tsarita?*
3 ¿Imëllapis rogakushunkitsuraqo shumaqtsuraq parlapäshunki?
4 ¿Wanunqanyaq sirwishunëkipaqtsuraqqamwan acuerduta ruranqa?
5 ¿Pishquwan* pukllanqëkinötsuraq pëwan pukllankio watarkurtsuraq warmi tsurikikuna kushikuyänampaq imëkata ruratsinki?
6 ¿Pescaq nunakuna rantikuyanqatsuraqo rantikoqkunatatsuraq rakipäyanqa?
7 ¿Pescana arponkunatatsuraq* entëru qaranman chätsinki+o pescana lanzatatsuraq peqanman o umanman chätsinki?
8 Imanö kanqanta musyanëkipaq mä yatëkuy.
Tsëqa pasashunqëkita yarparmi imëpis yatëta munankinatsu.
9 Dominëta munar imëkata ruranqëkipis ardëllam* kanqa.
Rikëkurllam alläpa mantsakanki.*
10 Ni pï mana ashipëta munëkartsuraq,¿noqapa conträraq kayanman?+
11 ¿Pitan noqa kutitsinäpaq imallatapis qaramashqa?+
Ciëlu jawanchö* kaqkunaqa, llapampis noqapam.+
12 Kallpan, chakinkuna y entërucuerpun imanö kanqampitaqa, imëpis parlëkäshaqmi.
13 ¿Piraq qaranta jipinmano shimin rurinman yëkunman?
14 ¿Piraq shiminta kichëta puëdinman?
Fïlarëkaq* kirunkunaqa alläpa mantsëpaqmi.
15 Entëru waqtanqa,escüdukunawannö shumaq tsapashqam këkan.
16 Alli tsapashqa kaptinmi,qaranpaqa vientupis pasantsu.
17 Alli laqanakushqa kayaptinmi,imapis rakita puëdintsu.
18 Senqampa pükaptinqa chipapäkunran,y nawinkunapis patsa warënömi atsikyan.
19 Shiminta kichar büllaptinqa räyunömi wiyakany chispakunam yarqamun.
20 Totörawan wëkashqa hornupitanömisenqampitaqa qoyë o qoshni yarqun.
21 Pükëkuptinqa carbonpis tsarinmi,y shimimpitapis rawrëkaq o lunyëkaq ninam yarqamun.
22 Kunkanchö alläpa kallpan kaptinmipïmëpis mantsayan.
23 Qaranqa alli firmi y alli juntashqam këkan.
Tsullutsipa rurashqanö kaptinmi, imapis rakikätsita puëdintsu.
24 Shonqunqa ruminö chukrum.
Awmi, molinupa jawan kaq ruminnömi.
25 Sharkuptinqa puëdeq nunakunapis mantsakäyanmi,y tapsikuptinqa mantsakarmi imanö këtapis musyayantsu.
26 Espädawan, lanzawan, flëchawan o imawan chätsirpismanam imanayantsu.+
27 Pëpaqqa fiërrupis päjanöllam,y cobripis ismushqa qerunöllam.
28 Flëchawan chätsiyaptimpis manam qeshpir ëwakuntsu,y rumiwan warakayaptimpis pëmanqa päjanöllam chan.
29 Maqayaptimpis jananman päja chaqnöllam chan,y taksha lanzawan chätsiyaptimpis asikunmi.
30 Pachampis mankapa pakipinnöraq kaptinmi,mitupa* ëwaptimpis marcarëkar quedan.+
31 Mankachö aceititanömi lamar yakutapis pushuqätsin,y mankachö puwëkaq* jampitanömi lamartapis puwaratsin.
32 Yakupa ëwar yakuta pushuqätsiptinmiyakupis yuraq aqtsayoqnö rikakun.
33 Cocodrïluwanqa manam patsachö ima animalpis igualantsu,tsë animaltaqa imatapis mana mantsanampaqmi kamarqä.
34 Mas puëdeq animal mayinkunatapis pärapunmi.
Kallpayoq chukaru animalkunapitaqa pëmi mas kallpayoq”.
Nötakuna
^ Kënöpis niyanmi: achkuyta.
^ Hebreu idiömachöqa “kashawan” ninmi.
^ Kënöpis niyanmi: aqlimpita; kachillwampita.
^ Kënöpis niyanmi: achkuyta.
^ Kënöpis niyanmi: Chankiswan.
^ Arponqa lanza niraqmi, tsëwanmi jatusaq pescädukunata tsariyaq.
^ O “ishkirinkiman”.
^ Kënöpis niyanmi: yaptallam.
^ Kënöpis niyanmi: qopinchö.
^ O “Qaqarëkaq”.
^ Kënöpis niyanmi: leqitapa.
^ Kënöpis niyanmi: timpuykaq.
