Job 7:1-21
7 Wanoqlla nunaqa, imatapis obligädu ruraq nunanöy chanimpaq trabajaq nunanömi patsachö kawan.+
2 Arwäkïta o llantukuyta munaq esclävunö,y pägunta shuyarëkaq trabajadornömi këkan.+
3 Atska killapam ardëlla* kawarqö,y paqaspapis mana imapaq sirwinqätam pensarqö.+
4 Punukunqä höram, ‘¿imëraq shärikushaq?’ nir tapukü,+y patsaqa manam warëkuntsu. Waranqanyaqmi wakman këman tumëkachä.
5 Entëru cuerpümi kurullana y allpallana këkan,+y entëru qaräpis qerillana y esquyllanam* këkan.+
6 Telarwan awaq nunapa lanzadërampitapis mas rasmi o sasmi kawënïqa pasarin,+y noqapaq ima allipis mana kanqantam pensatsiman.+
7 Yarpëkullë* vïda vientunö pasareqlla kanqanta.+
Noqaqa manam imëpis kushishqa* kawashaqnatsu.
8 Kanan rikämaqkunapis manam masqa rikäyämanqanatsu.
Rikämëta munayaptimpis, manam këkäshaqnatsu.+
9 Pukutë yurimur ushakärinqannömi,Sepultürachö* këkaqkunapis manam yapëqa yarqayämunnatsu.+
10 Manam wayinmanqa kutinqanatsu,y marka mayinkunapis manam yarpäyanqanatsu.+
11 Tsëmi upällaqa kakushaqtsu.
Shonqüchö llakishqa karmi parlashaq,y kawë vïdächö yarpachakunqäpaqmi parlashaq.+
12 ¿Imanirtan täpamaqnï churamunki?
Noqaqa manam lamartsu ni lamarchö mantsëpaq animaltsu kä.
13 ‘Cämächöqa allinam sientikushaq,y manam pasëkämanqanman yarpäshaqnatsu’ nikaptïmi,
14 imëkata suëñutsimar y imëkata revelamaralläpa mantsakätsimanki.
15 Tsëmi jurkarayämänanta munä.
Kë cuerpüwan kawanqäpitaqa, wanukunqächi mas alli kanman.+
16 Kawënïta melanarmi kawëtapis munänatsu.+
Ama imatapis niyämënatsu, kawënïqa jamaninö ushakäreqllam.+
17 ¿Imanirtan wanoqlla nunapaq llakikunki?
¿Imanirtan pëpaq yarparanki?+
18 ¿Imanirtan cada patsa warë rikapanki?
¿Imanirtan cada rätu pruëbaman churanki?+
19 Imëpis rikarëkämankim,y manam toqanïta pasarkatsinällatapis dejamankitsu.+
20 Qamqa llapan nunakunatam rikëkanki.
Jutsata* rurarpis, ¿ima mana allitataq qamta ruraqman?+
¿Imanirtan noqallata rikarëkämanki? ¿Lasaq qepinöku qampaq tikrarqö?
21 ¿Imanirtan jutsata* ruranqäpita perdonëkamankitsu,y pantanqäkunata qonqëkunkitsu?
Ichikllachönam allpaman kutishaq,+y ashimarpis manam tarimankinatsu”.
Nötakuna
^ Kënöpis niyanmi: yaptalla.
^ Kënöpis niyanmi: poqrullanam.
^ Këchöqa, Jobqa Teyta Dioswanmi parlëkan.
^ Hebreu idiömachöqa “alli” ninmi.
^ Kënöpis niyanmi: Pecäduta.
^ Kënöpis niyanmi: pecäduta.
