“Juk nacionmi juk nacionwan guërrata ruranqa, juk gobiernum juk gobiernuwan pelyanqa [. . .]. Tsë llapankunaqa alläpa sufrimientukunapa qallananllaran kanqa”.

Mateu 24:7, 8

“Diospa willakoqnin tukoqkuna yurimurmi mëtsikaq nunakunata engañayanqa, y imëpitapis mas mana alli rurëkuna kaptinmi cäsi llapan nunakunapis kuyakoqnatsu kayanqa”.

Mateu 24:11, 12

“Guërrakuna kanqanta y guërrakuna kanqampaq willakuyanqanta wiyarqa, ama mantsakäyankitsu. Tsëkunaqa pasanqam, peru manam ushakëraqtsu kanqa”.

Marcus 13:7

“Terremötukunam kanqa, y wakchö këchömi mallaqë y muyakoq qeshyakuna kanqa. Imëka espantëpaqkunam pasanqa, y ciëlupitam jatun señalkuna kanqa”.

Lücas 21:11

 “Ushanan tiempuchöqa alläpa mana alli y mana aguantëpaqnö tiempukunam kanqa. Nunakunam kayanqa kikinkunallata kuyakoq, qellëta kuyaq, alabakoq, allish tukoq, Teyta Diosta ofendeq, papäninkunata mana cäsukoq, mana agradecikoq y jukkunata dejaq, manam kuyakoqtsu kayanqa, manam acuerduman chëta munayanqatsu, calumniakoqmi kayanqa, manam controlakuyta yachayanqatsu, mantsëpaqmi kayanqa, manam alli kaqta kuyayanqatsu, traicionakoqmi kayanqa y manam ima niyanqantapis cäsukuyanqatsu, alläpa orgullösum kayanqa, Teyta Diosta kuyayänampa rantinmi kikinkuna munayanqanta rurayanqa, jukkunapa rikëninchö Teyta Diosta adoraq tukuykarpis, manam rurayanqanchöqa Teyta Diosta adorayanqanta rikätsikuyanqatsu”.

2 Timoteu 3:1-5