Jorqë:

• Cancionkunata

1. 1. Kushishqam chärallämurqö

   kë yachanëpaq markaman.

   visitakoqmi

   ëwakamurqö.

   ¡Tsëmi kushishqa këkä!

   ¡Atskaqmi shuyarëkäyämänaq!

   Llapanmi kuyayäman.

   Jehoväta sirwirmi llapantsikpis

   rasumpa kuyanakuntsik.

   (CÖRU)

   Juk kastallam kallantsik.

   Llapantsik juk familialla.

   Karu markapita karpis

   qamwanqa

   familiam kantsik.

2. 2. Llapanwan reqinakurir

   imanömi kushikuykö.

   Mëta ëwarpis, mëman chärirpis,

   wayïchö këkaq cuentam.

   Jukläya jukläya parlarnimpis

   juk yarpëyoqllam kantsik.

   Tsë llapampitam Dios Yayantsikta imëpis

   agradecikuntsik.

   (CÖRU)

   Juk kastallam kallantsik.

   Llapantsik juk familialla.

   Karu markapita karpis

   qamwanqa

   familiam kantsik.

3. 3. Më tsëchö yachatsikurmi

   shumaq reqipakur purï.

   Jirkakunachö, pukrukunachö,

   më tsëchömi willakü.

   Mëchö këkarnimpis tinkurirqa

   Shumaqmi parlakurintsik.

   Karu markaman shamushqa karpis

   Alläpa kushishqam këkä.

   (TÖNU CAMBIARIN)

   Më tsëchömi

   kuyakoq amïgukunata tarï:

   Euröpapita këyaq,

   këpita Africayaq.

   (CÖRU)

   Juk kastallam kallantsik.

   Llapantsik juk familialla.

   Karu markapita karpis

   qamwanqa

   familiam kantsik.

   Shumaq kuyanakurmi

   llapantsik kushishqa kantsik.

   Mëpita karpis llapantsik

   Jehovätam kushishqa sirwintsik.

   Tacna, Lorëtu, Ucayäli y Ancash;

   Chïli, Argentïna y Ecuador;

   mëpita karpis llapan turi nanam

   kallantsik juk familialla.