Jorqë:

• Cancionkunata

1. 1. Gobiernïkipita alli willakïkunam

   unëna musyatsimarqan rasumpëpa kaqta.

   Markäkïpaq sirweqnikim shumaq pushayäman.

   Kuyakoq anciänukunam shumaq cuidayäman.

   Alläpa kushishqam asamblëaman ëwä.

   Y cada watam, “alläpa shumaqmi kashqa” nï.

   Reunionkunachöqa rikä kuyakïnikitam.

   Yachatsimaptikim shumaq yachatsikur purï.

   (CÖRU)

   Llapan ruranqëki

   y Jesuspa Gobiernunmi

   shonqüta kushitsin.

   Tsëmi shonqupita patsë qamman confiakü.

   Mushoq Patsachöna kawëtam alläpa munä.

2. 2. Qamta kuyarnikim, llapan nunakunata

   mëchö tsëchö yachatsiyä; kushishqam sirwiyaq.

   Qamta cäsukurnikim kushishqa kawakuyä.

   Rasumpa kaqtam imëpis yachatsiyämanki.

   Shumaq cancionkunam shonqüta kushitsimun.

   Adorayänäpaqmi familiäwan ëllukä.

   Mëpita karnimpis, sirwishoqnikikunaqa

   juknöllam qamta sirwiyaq, juk yarpëllam kayä.

   (CÖRU)

   Llapan ruranqëki

   y Jesuspa Gobiernunmi

   shonqüta kushitsin.

   Tsëmi shonqupita patsë qamman confiakü.

   Mushoq Patsachöna kawëtam alläpa munä.