Samuelqa wanunqan junaqyaqmi Jehovä Diosta sirwirqan. Elïpa wamrankuna Hofnï y Finehas mana allikunata rurayaptimpis wamra kanqampitam pëkunanö mana kanampaq kallpachakurqan (1Sa 2:22-26). Samueltaqa winanqanmannömi Jehoväqa llapanchö yanaparqan (1Sa 3:19). Samuelqa wamrankuna Jehoväta mana cäsukuyaptimpis y awkinna këkarpis Jehoväta cäsukurmi sïguirqan (1Sa 8:1-5).

¿Imatatan Samuel ruranqampita yachakuntsik? Jövinkuna Jehoväqa musyanmi jövin karnin imakunapa pasayanqëkita y imanö sientikuyanqëkita. Y valienti kayänëkipaqmi yanapayäshunki (Is 41:10, 13). Teyta kaqkunaqa Samuelnöpis manam mayorna wamrankunataqa obliguëta puëdiyantsu Jehoväta sirwiyänampaq. Tsëmi Jehoväta sirwita dejayaptin alläpa llakikuyänantsu. Samuelqa Jehovämanmi llapan shonqunwan confiakurqan y manam sirwita dejarqantsu, tsënömi Jehoväta alläpa kushitsirqan. Teyta kaqkuna Jehoväta mana dejëpa sirwiyaptinqa, capazchi wamrankunaqa Jehoväta yapë sirwiyanqa.

¿IMATATAQ PËKUNAPITA YACHAKUNTSIK?: SAMUELPITA NEQ VIDEUTA RIKÄRIR, KË TAPUKUYKUNATA CONTESTË:

• ¿Imanötan Samuelqa wamra kanqampita valienti karqan?

• ¿Imanötan Dannyqa valienti karqan?

• Samuel edäna karpis ruranqampitaqa, ¿imatatan yachakuntsik?

• Dannypa papäninkuna rurayanqampitaqa, ¿imatatan yachakuntsik?