Problëmantsikkuna mana ras ushakaptinqa llakikuntsikmi. Saulwan problëmankuna imë karpis ushakänampaq kaqmanmi Davidqa confiakurqan y Jehovä äninqannölla rey kanampaq kaqtaqa musyarqanmi (1Sa 16:13). Jehoväman markäkunqan o yärakunqanmi, Davidtaqa yanaparqan Jehovä yanapananta pacienciawan shuyaränampaq.

Mana allikunapa pasarqa yachëwan y alli pensëkurmi imatapis ruranantsik altsanapaq (1Sa 21:12-14; Pr 1:4). Peru Jehovä mandakunqannö rurëkashqapis höraqa problëmakuna manam ushakantsu, tsënö pasakuptinqa pacienciawanmi Jehovä yanapamänantsikta shuyaränantsik. Y ichikllachönam llapan sufritsimaqnintsikta ushakätsimunqa y ‘nawintsikpitam llapan weqita pitsanqa’ (Rev 21:4). Capaz problëmantsikkunaqa kikinlla o Jehovä yanapamashqa ushakärinqa, peru musyantsikmi llapan problëmakuna ushakänampaq kaqta. Tsëta musyanqantsikqa yanapamantsikmi.

MË TSËCHÖ CHIKINAKUYAPTIMPIS, DIOSTA SIRWEQKUNAQA JUKNÖLLAM KAYAN NEQ VIDEUTA RIKÄRIR, KË TAPUKUYKUNATA CONTESTË:

• Estädus Unïduspa sur kaq lädumpa täraq wawqi panikunaqa, ¿imakunapatan pasayarqan?

• ¿Imanötan pacienciakoq y kuyakoq kayanqanta rikätsikuyarqan?

• Tsë wawqikuna y panikunaqa, ¿imatatan mas väleqpaq churayarqan? (Flp 1:10).