Diospita yachatsikunqantsikchöqa panikunam masqa yanapakuyan (Sl 68:11). Pëkunam mas atskaqta Bibliapita estudiatsiyan, y precursor regularpis panikunam masqa kayan. Betelchö, juk nacionchö yachatsikur, Diospa wayinta rurëchö y traduccionchömi mëtsikaq panikuna trabajayan. Y mayor kaq panikunanam familiankunachö y congregacionkunachö alli yanapakuyan (Pr 14:1). Creikoqkunata rikaq këta o siervu ministerial këta mana puëdirpis, juknöpaqa yanapakuyta puëdiyanmi. ¿Ima mastatan juk paniqa Jehoväta mas sirwinampaq ruranman? Këkunatam rurëta puëdin:

• Mas yachanëpaq, kuyakoq, pacienciakoq y ankupäkoq kanampaq kallpachakuyta (1Ti 3:11; 1Pë 3:3-6).

• Tsëllaraq bautizakushqa panikunata o shipash panikunata yanapëta (Tït 2:3-5).

• Diospita mas alli yachatsikunampaq kallpachakuyta.

• Juk idiömata yachakuyta.

• Diospita yachatsikoqkunata mas necesitäyanqan markakunaman ëwëta.

• Betelchö o Diospa wayin rurëchö yanapakunampaq solicitudta llenëta.

• Diospa Gobiernumpita Yachatsikoqkunapaq Escuëlaman ëwanampaq solicitudta llenëta.

“WARMIKUNAQA SEÑORPAQMI EMPËÑU EMPËÑU TRABAJËKÄYAN” NEQ VIDEUTA RIKÄRIR, KË TAPUKUYTA CONTESTË:

• Kë panikuna rurayanqanqa, ¿imanötan yanapashunki?