Diosqa më tsëchö këkaq nunakunatam wiyan (Salmu 145:18, 19). Palabran Bibliaqa animanantsik, ima yarpachakïnintsikllapis kaptin pëta willarinapaqmi (Filipensis 4:6, 7). Tsënö kaptimpis, mana gustanqan mañakïkunapis kanmi, y tsëqa kutin kutin tsëllata parlaqkunapa mañakïninkunam. (Leyi Mateu 6:7.)

Jina manam wiyantsu pëpa leyninkunata mana wiyakïta munaqkunapa mañakïninkunatapis (Proverbius 28:9). Maslla tantiyarinapaq, wanutsikoq Israelïtakunapa mañakïninkunataqa manam wiyëta munarqantsu. Rikanqantsiknöpis, mañakïnintsikta Dios wiyananta munarqa, pë imata mañamanqantsiktaran cumplinantsik (Leyi Isaïas 1:15.)

Mana markäkushqaqa (yärakushqaqa) Dios manam wiyamäshuntsu (Santiägu 1:5, 6). Pë rasumpa kawanqanta y noqantsikpaq yarpachakunqantam següru kanantsik. Tsëta logranapaqqa, Palabran Bibliatam alleq estudianantsik, porqui markäkïnintsikqa yachakunqantsikpitam kanqa. (Leyi Hebrëus 11:1, 6.)

Jina Jesus ruranqannömi shonqupita patsë y humildäwan mañakunantsik (Lücas 22:41, 42). Tsëmi, imata ruranampaq kaqta Diosta ninantsikpa rantin, imata mañamanqantsikta alli entiendita procuranantsik. ¿Imanö? Palabran Bibliata leyirnin. Tsënö rurashqaqa mañakïnintsikqa munëninmannömi kanqa. (Leyi 1 Juan 5:14.)