“Kananmi imatapis ruranantsik mënus guërrakuna kanampaq y mana alläpa peligrösu kanampaq. Kananmi controlakuyta yachanqantsikta rikätsikunantsik” (tsëtam nin António Guterres, secretario general de las Naciones Unidas, tsëtaqa nirqan 2024 wata säbadu 13 de abril Israelta Iran atacanqampaq parlarmi).

 Mediu Orienti niyanqanchö (Asiapa inti o rupay jeqanan lädunchö) guërra kanqanqa entëru Patsachö pasakuykanqantam rikätsikun.

 “Ishkë kaq Jatun Guërra kanqampitaqa kananmi masqa mëtsika guërrakunata rikantsik, y dos mil millon nunakunam guërrakuna kanqan sitiukunachö kawayan” (Consejo de Seguridad de la ONU, 26 de enëru de 2023).

 Kë nacionkunam guërrakuna kanqan sitiuchö këkäyan: Israel, Gäza, Siria, Azerbaiyan, Ucrania, Sudan, Etiopïa, Nïger, Myanmar y Haitï. a

 ¿Imëraq guërrakuna ushakanqa? ¿Puëdiyanqatsuraq gobiernukuna guërrakunata ushakätsita? ¿Ima nintan Bibliachö?

 Mëtsëchö guërrakuna kanqanmi rikätsikun pöcu tiempullachöna guërrakuna ushakänampaq kaqta. Bibliachömi willakun guërrakuna kanqanqa “ushanan tiempuchöna” kawëkanqantsikta rikätsikunqanta (Mateu 24:3).

•   “Guërrakuna kanqanta y guërrakuna kanqampaq willakuyanqantam wiyayanki [...]. Juk nacionmi juk nacionwan guërrata ruranqa, juk gobiernum juk gobiernuwan pelyanqa” (Mateu 24:6, 7).

 Guërrakunapaq Bibliachö willakunqan kanan tiempu imanö cumplikëkanqanta musyanëkipaqqa, rikäri “¿Cuál es la señal de ‘los últimos días’ o ‘los tiempos finales’?” neqchö willakunqanta.

 Bibliachömi willakun guërrakuna manana kanampaq kaqta. Tsëtaqa manam nunakunatsu lograyanqa, sinöqa Armagedon guërrachömi pasanqa. Tsë guërraqa kanqa, ‘Llapanta Puëdeq Teyta Dios nunakunata juzganan tiempuchömi’ (Apocalipsis 16:14, 16). Tsë guërra ushariptinmi, Diosnintsikqa yamë kawakunapaq änikunqanta cumplimunqa (Salmus 37:10, 11, 29).

 Armagedon guërrapita maslla musyanëkipaqqa, rikäri “¿Imatan Armagedon guërraqa?” neqchö willakunqanta.