2023 wata 23 de mäyu junaqmi, Estädus Unïduschö salud asuntuta rikaq nuna willakurqan, Internetchö redes sociales niyanqanqa atska jövinkunapaq mana alli kashqa kanqanta.

•   “Redes sociales niyanqan wakin wamrakunapaq y jövinkunapaq alli kaptimpis, atska pruëbakunam rikätsikun imanö sientikuyanqampaq y saludninkunapaq mana alli kanqanta” (Social Media and Youth Mental Health: The U.S. Surgeon General’s Advisory [Las redes sociales y la salud mental de los jóvenes: Informe del director general de Salud Pública de Estados Unidos], 2023 wata).

 Tsë nuna ruranqan documentuchö estudiösu nunakuna niyanqanmi rikätsikun, tsënö pasëkanqan imanir yarpachakuypaq kanqanta.

•   “Cada junaq redes sociales niyanqanta kima hörapitapis mas utilizaq [12 a 15 watayoq jövinkunaqa], wakin jövinkunapitapis masmi, depresion niyanqanwan [alläpa llakikuy qeshyawan], ansiedad niyanqanwan [alläpa yarpachakuy qeshyawan] y maskunawan qeshyëta puëdiyarqan”.

•   “Redes sociales niyanqanta mas utilizaq [14 watayoq jövinkunaqa], manam punuyta puëdiyarqantsu, bulling niyanqantam sufriyarqan, cuerpunkunawanmi kushishqatsu kayarqan, manam valorakuyarqantsu y depresion niyanqanwanmi mas qeshyayarqan, masqa warmi kaqkuna”.

 ¿Imatataq papäkuna rurayanman wamrankunata tsëkunapita cuidayänampaq? Bibliachömi alli consëjukunata tarintsik.

 Wamrëkipaq yarpachakuy. Redes sociales niyanqanta utilizar wamrëki imaman chëta puëdinqanman pensëkur, utilizänampaq o mana utilizänampaq kaqta decidi.

•   Bibliachö kënö ninqanman pensë: “Wamrëkita llullullaraq kanqampita alli yachatsi” (Proverbius 22:6).

•   Masta musyëta munarqa, “¿Deberían mis hijos usar redes sociales?” neqchö willakunqanta leyi.

 Redes sociales niyanqanta wamrëki utilizänanta permitirqa, wamrëkipaq mana alli kaqkunapitam alkäbu këkänëki y Internetchö imata rurëkanqantam altantu këkänëki. ¿Imanötan tsëta rurankiman?

 Mana alli kaqkunapita wamrëkita cuidë. Ima alli o mana alli kanqanta musyanampaq y mana allikunapita cuidakunampaq yanapë.

•   Bibliachö kënö ninqanman pensë: “Oqllanakur melanëpaqkunata rurëpaq, imëkaläya melanëpaqkunata rurëpaq o imatapis ërayëpa munëpaqqa, ni parlayëllapistsu. [...] Tsënölla ama penqakuypaq portakuyëtsu, mana cäbeqkunata parlayëtsu ni lluta brömata rurayëtsu” (Efesius 5:3, 4).

•   Alli consëjukunata tarinëkipaqqa, “Enséñele a su hijo adolescente a usar con seguridad las redes sociales” neqchö willakunqanta leyi.

 Imakunallata rurëta puëdinqanta nï. Wamrëkita cläru willë, imë y ëka tiempullapa redes sociales niyanqanta utilicëta puëdinqanta.

•   Bibliachö kënö ninqanman pensë: “Alläpa cuidakuyë upakunanö mana portakuyänëkipaq, sinöqa yachaqkunanö, tiempuykikunata alli provechar” (Efesius 5:15, 16).

•   Redes sociales niyanqanta utilizar imanir cuidakunampaq kaqta wamrëkita entienditsinëkipaqqa, “Yachakunapaq dibüjukuna” neqchö Si usas las redes, no te enredes neq videuta rikäyë.