Genteguna imabi cambiana gashcada yuyallun ayudai. Genteguna, paigunalladi imabi cambiana gashcada yuyallunga, alli tapuigunada rrurrai.

Allida rrurrana munaida charillun ayudai. Genteguna imamunda allida rrurrangabu esforzarijushcada yuyallun ayudai. Jehová Diosda, Bibliabi tiyashca consejogunada y cutishuj gentegunada juyashcamunda allida rrurrana munaida charillun ayudai. Gentegunadaga na rrimanallu gangui, más bien paigunalladi imabi cambiana gashca rricullun ayudai. Chashnami yachachish tucuchijpiga, pinganachinabu rrandiga allida rrurrash ñaupujmun catina munaida charinajunga.

Jehová yachachijushcada rricuchi. Bibliabi tiyashca consejoguna, yachaiguna, Jehová Diosda rrijsi pudillun y pai ñucunchigunada juyashcada, yachachijushcadami intindichina gangui. Gentegunamunga Jehová Dios imashina sintirij gashcadami intindichina gangui, shinalladi Jehová Diosda cazuna munaida charillun ayudai.