Alli amigogunaga ñucunchiguna contentos sintirillunmi ayudan. Paigunabu ayudaunmi llaquigunada chimbapurai pudinchi. Pero Bibliabiga, na tucui amigoguna alli gashcadallu nin. ¿Imashinadi alli amigogunadaga agllai pudingui? Catij tapuigunada yachai.

1. ¿Amigogunaga imashinadi candaga ayudan?

Huaquinbiga amigogunaun ñahui ñahui parrlash o redes socialesbi ashca tiempoda pasashmi paiguna shina comportari callarinchi. Chaimundami Bibliabiga: “Yachaisapagunaun tandanajujga yachaisapami tucunga, pero na yachaisapagunaun tandanajujga [Jehová Diosda na juyajgunaun] llaquibimi urmanga” nin (Proverbios 13:20). Jehová Diosda sirvij, juyaj amigogunami paimun mayayallun y alli decisiongunada agllallun ayudanga. Pero, Diosda na sirvij amigogunada charishaga, Jehovamundami caruyangui. Chaimundami Bibliabiga alli amigogunada charillun aconsejan. Ñucunchi amigoguna Jehová Diosda juyajpiga, tucuigunami contentos sintirinchi. Shinami cai consejoda fajtachi pudishun: “Caishuj chaishuj animarish, ayudarish catichi” (1 Tesalonicenses 5:11).

2. ¿Na alli amigogunada charijpiga, Jehová Diosga imashinadi sintirin?

Jehová Diosga paibu amigogunadaga allimi agllan. Chaimundami, “paida cazujgunaunga alli amistadtami charin” nin (Proverbios 3:32). ¿Jehová Diosga paida na juyaj amigogunada charijpiga imashinashi sintiringa? Seguro tristemi sintiringa (Santiago 4:4-da liyi). Pero, na alli amigogunamunda caruyash paida juyaj amigogunada charijpiga, Jehová Diosga contentomi sintiringa, shinami ñucunchi alli amigo tucunga (Salmo 15:1-4).

 CAI TEMAMUNDA MÁS YACHASHUNCHI

4. Diferente gentegunaunmi alli amigoguna gai pudinchi

Bibliabiga Israel llactamunda, David y Jonatanbu causaimundami parrlan. Paigunaga diferente huatagunada y causaigunada charishash alli amigogunami garca. 1 Samuel 18:1-da liyish, chaimunda parrlaichi:

• Ñucunchi amigogunaga, ¿ñucunchi edadta charij, pobre o ricollu gana gan?

Romanos 1:11, 12-da liyish, chaimunda parrlaichi:

• ¿Jehová Diosda juyaj amigogunaga imashinadi rrandi rrandi animarin?

¿Shuj jovenga maibidi alli amigogunada tarirca? VIDEODA rricush caimunda parrlaichi:

• Akil shuti jovenbu taitamamaga, ¿imamundadi pai escuelabi charishca amigogunamunda preocuparirca?

• ¿Akil shuti jovenga imamundadi chai amigogunaun tandanajunada munarca?

• ¿Ama sapalla sintiringabuga imadadi rrurrarca?

 5. ¿Imashinadi alli amigogunada chari pudinchi?

 RESUMEN

Alli amigogunada agllashaga, allimi causashun y Jehová Diosdashmi contentachishun.

Repaso

• ¿Jehová Diosga imamundadi alli amigogunada charillun munan?

• ¿Ima laya amigogunamundadi caruyana ganchi?

• ¿Jehová Diosda sirvijgunaunga imashinadi alli apanajui pudingui?