1 Crónicas 3:1-24
3 Hebronpi David charishca churicunaca caicunami carca. Punta churica Amnonmi carca. Paipaj mamaca Jezreelmanta Ahinoammi carca. Puntapaj qꞌuipa churica Danielmi carca. Paipaj mamaca carmelitacunapuramanta Abigailmi carca.
2 Ishquipaj qꞌuipa churica Absalonmi carca. Paipaj mamaca Maacami carca. Maacaca Guesurmanta rey Talmaipaj ushushimi carca. Quimsapaj qꞌuipa churica Adoniasmi carca. Paipaj mamaca Haguitmi carca.
3 Chuscupaj qꞌuipa churica Sefatiasmi carca. Paipaj mamaca Abitalmi carca. Pichcapaj qꞌuipa churica Itreammi carca. Paipaj mamaca Eglami carca. Paimi Davidpaj huarmi carca.
4 Cai sujta churicunatami Davidca Hebrón llajtapi charirca. Paica canchis* huatacuna, sujta quillacunatami chaipi mandarca. Shinallataj Jerusalén llajtapica 33 huatacunatami mandarca.
5 Jerusalenpi charishca churicunaca caicunami carca: Simeá, Sobab, Natán, Salomonpishmi carca. Cai chuscu churicunapaj mamaca Amielpaj ushushi Bat-Sebami carca.
6 Caishuj iscun* churicunaca caicunami carca: Ibhar, Elisamá, Elifélet,
7 Noga, Néfeg, Jafía,
8 Elisamá, Eliadá, Elifeletpishmi carca.
9 Caishuj huarmicunahuanpish shujtaj churicunatami charirca. Paicunapaj panica Tamarmi carca. Tucui caicunami Davidpaj churicuna carca.
10 Salomonpaj churica Rehoboammi carca. Rehoboampaj churica Abiasmi carca. Abiaspaj churica Asami carca. Asapaj churica Jehosafatmi carca.
11 Jehosafatpaj churica Jehorammi carca. Jehorampaj churica Ocoziasmi carca. Ocoziaspaj churica Jehoasmi carca.
12 Jehoaspaj churica Amasiasmi carca. Amasiaspaj churica Azariasmi carca. Azariaspaj churica Jotanmi carca.
13 Jotanpaj churica Acazmi carca. Acazpaj churica Ezequiasmi carca. Ezequiaspaj churica Manasesmi carca.
14 Manasespaj churica Amonmi carca. Amonpaj churica Josiasmi carca.
15 Josiaspaj churicunaca caicunami carca. Johananca punta churimi carca. Puntapaj qꞌuipa churica Jehoiaquimmi carca. Ishquipaj qꞌuipa churica Sedequiasmi carca. Quimsapaj qꞌuipa churica Salummi carca.
16 Jehoiaquimpaj churica Jeconiasmi carca. Jeconiaspaj churica Sedequiasmi carca.
17 Jeconías prezupi cashpaca cai churicunatami charirca: Sealtiel,
18 Malkiram, Pedaya, Senazar, Jecamías, Hosamá, Nedabiaspishmi carca.
19 Pedayapaj churicunaca Zorobabel, Simeimi carca. Zorobabelpaj churicunaca Mesulam, Hananiasmi carca. (Selomitca paicunapaj panimi carca).
20 Zorobabelpaj caishuj pichca churicunaca caicunami carca: Hasubá, Ohel, Berekías, Hasadías, Jusab-Hesedpishmi carca.
21 Hananiaspaj churicunaca Pelatías, Jesayami carca. Jesayapaj churica* Refayami carca. Refayapaj churica Arnanmi carca. Arnanpaj churica Abdiasmi carca. Abdiaspaj churica Secaniasmi carca.
22 Secaniaspaj huahua huahuacunaca caicunami carca. Secaniaspaj churica Semayami carca. Semayapaj churicunaca Hatús, Igal, Barías, Nearías, Safatpishmi carca. Tucuica sujta cꞌaricunami carca.
23 Neariaspaj churicunaca quimsami carca. Paicunaca Elioenái, Hizquías, Azricampishmi carca.
24 Elioenaipaj churicunaca canchismi carca. Paicunaca Hodavías, Eliasib, Pelayá, Acub, Johanán, Delayá, Ananipishmi carca.
