1 Crónicas 6:1-81
6 Levipaj* churicunaca Guersón, Cohat, Merarí shuticunami carca.
2 Cohatpaj churicunaca Amram, Izhar, Hebrón, Uzielpishmi carca.
3 Amrampaj churicunaca Aarón, Moisesmi carca. Paipaj ushushica Miriammi carca. Aaronpaj churicunaca Nadab, Abihú, Eleazar, Itamar shutipishmi carca.
4 Eleazarca Finehaspaj yayami carca. Finehasca Abisuapaj yayami carca.
5 Abisuaca Buquipaj yayami carca. Buquica Uzipaj yayami carca.
6 Uzica Zerahiaspaj yayami carca. Zerahiasca Merayotpaj yayami carca.
7 Merayotca Amariaspaj yayami carca. Amariasca Ahitubpaj yayami carca.
8 Ahitubca Sadocpaj yayami carca. Sadocca Ahimaazpaj yayami carca.
9 Ahimaazca Azariaspaj yayami carca. Azariasca Johananpaj yayami carca.
10 Johananca Azariaspaj yayami carca. Paimi Jerusalenpi Salomón rurashca huasipica sacerdote shina sirvij carca.
11 Azariasca Amariaspaj yayami carca. Amariasca Ahitubpaj yayami carca.
12 Ahitubca Sadocpaj yayami carca. Sadocca Salumpaj yayami carca.
13 Salumca Hilquiaspaj yayami carca. Hilquiasca Azariaspaj yayami carca.
14 Azariasca Serayapaj yayami carca. Serayaca Jehozadacpaj yayami carca.
15 Jehová Diosca Judapi causajcunatapish, Jerusalenpi causajcunatapish Nabucodonosor prezu apachunmi saquirca. Chaipimi Jehozadactapish prezu aparcacuna.
16 Levipaj churicunaca Guersom,* Cohat, Merarí shutipishmi carca.
17 Guersompaj churicunaca Libní, Simeipishmi carca.
18 Cohatpaj churicunaca Amram, Izhar, Hebrón, Uzielpishmi carca.
19 Meraripaj churicunaca Mahlí, Musipishmi carca.
Levitacunapaj ñaupa yayacunapaj familiata pushajcunaca caicunami carca.
20 Guersompaj huahua huahuacunaca caicunami carca. Guersompaj churica Libnimi carca. Libnipaj churica Jahatmi carca. Jahatpaj churica Zimami carca.
21 Zimapaj churica Joami carca. Joapaj churica Idomi carca. Idopaj churica Zerahmi carca. Zerahpaj churica Jeatraimi carca.
22 Cohatpaj huahua huahuacunaca caicunami carca. Cohatpaj churica Aminadabmi carca. Aminadabpaj churica Coremi carca. Corepaj churicunaca Asir,
23 Elcaná, Ebiasafpishmi carca. Ebiasafpaj churica Asirmi carca.
24 Asirpaj churica Tahatmi carca. Tahatpaj churica Urielmi carca. Urielpaj churica Uziasmi carca. Uziaspaj churica Shaulmi carca.
25 Elcanapaj churicunaca Amasái, Ahimotmi carca.
26 Elcanapaj huahua huahuacunaca caicunami carca. Elcanapaj churica Zofaimi carca. Zofaipaj churica Nahatmi carca.
27 Nahatpaj churica Eliabmi carca. Eliabpaj churica Jerohammi carca. Jerohampaj churica Elcanami carca.
28 Samuelpaj churicunaca caicunami carca. Samuelpaj punta churica Joelmi carca. Catij churica Abiasmi carca.
29 Meraripaj huahua huahuacunaca caicunami carca. Meraripaj churica Mahlimi carca. Mahlipaj churica Libnimi carca. Libnipaj churica Simeimi carca. Simeipaj churica Uzami carca.
30 Uzapaj churica Simeami carca. Simeapaj churica Haguiasmi carca. Haguiaspaj churica Asayami carca.
31 Davidca cai runacunatami Jehová Diospaj huasipi cantajcunata pushachun nombrarca. Chaitaca Arcata chaipi churashca qꞌuipami chashna nombrarca.
32 Paicunatami carpa huasipi* cantajcunata pushachun churashca carca. Cai runacunaca chaitaca Salomón Jerusalenpi Jehová Diospaj huasita rurangacamami chashna rurajcuna carca. Paicunaman imata mandashcacunataca tucuitami alli pajtachircacuna.
33 Cai runacunami paicunapaj churicunahuan chaipi sirvijcuna carca. Cohatitacunamantaca cantaj Hemanmi carca. Hemanca Joelpaj churimi carca. Joelca Samuelpaj churimi carca.
34 Samuelca Elcanapaj churimi carca. Elcanaca Jerohampaj churimi carca. Jerohamca Elielpaj churimi carca. Elielca Toahpaj churimi carca.
35 Toahca Zufpaj churimi carca. Zufca Elcanapaj churimi carca. Elcanaca Mahatpaj churimi carca. Mahatca Amasaipaj churimi carca.
36 Amasaica Elcanapaj churimi carca. Elcanaca Joelpaj churimi carca. Joelca Azariaspaj churimi carca. Azariasca Sofoniaspaj churimi carca.
37 Sofoniasca Tahatpaj churimi carca. Tahatca Asirpaj churimi carca. Asirca Ebiasafpaj churimi carca. Ebiasafca Corepaj churimi carca.
38 Coreca Izharpaj churimi carca. Izharca Cohatpaj churimi carca. Cohatca Levipaj churimi carca. Levica Israelpaj churimi carca.
39 Asafca paipaj huauqui* Hemanpaj alli ladopimi shayarij carca. Asafca Berekiaspaj churimi carca. Berekiasca Simeapaj churimi carca.
40 Simeaca Miguelpaj churimi carca. Miguelca Baaseyapaj churimi carca. Baaseyaca Malkiyapaj churimi carca.
41 Malkiyaca Etnipaj churimi carca. Etnica Zerahpaj churimi carca. Zerahca Adayapaj churimi carca.
42 Adayaca Etanpaj churimi carca. Etanca Zimapaj churimi carca. Zimaca Simeipaj churimi carca.
43 Simeica Jahatpaj churimi carca. Jahatca Guersompaj churimi carca. Guersomca Levipaj churimi carca.
44 Meraripaj huahua huahuacunaca paipaj huauqui Hemanpaj lluqui ladopimi shayarijcuna carca. Chaipica Etanmi carca. Etanca Quisipaj churimi carca. Quisica Abdipaj churimi carca. Abdica Malucpaj churimi carca.
45 Malucca Hasabiaspaj churimi carca. Hasabiasca Amasiaspaj churimi carca. Amasiasca Hilquiaspaj churimi carca.
46 Hilquiasca Amzipaj churimi carca. Amzica Banipaj churimi carca. Banica Semerpaj churimi carca.
47 Semerca Mahlipaj churimi carca. Mahlica Musipaj churimi carca. Musica Meraripaj churimi carca. Merarica Levipaj churimi carca.
48 Paicunapaj huauqui levitacunaca Diospaj carpa huasipi sirvingapajmi nombrashcacuna carca.*
49 Aaronca paipaj churicunahuanmi rupachishca ofrendata cuna altar jahuapipish, inciensota rupachina altar jahuapipish sacrificiocunata rupachishpa cushnichircacuna. Paicunaca Diospajlla chꞌicanyachishca tucui ruranacunahuanca Diosta sirvij Moisés mandashca shinami rurarcacuna. Chaitaca israelitacunapaj juchacunata perdonachunmi chashna rurarcacuna.
50 Aaronpaj huahua huahuacunaca caicunami carca: paipaj churi Eleazar, paipaj churi Finehás, paipaj churi Abisúa,
51 paipaj churi Buquí, paipaj churi Uzí, paipaj churi Zerahías,
52 paipaj churi Merayot, paipaj churi Amarías, paipaj churi Ahitub,
53 paipaj churi Sadoc, paipaj churi Ahimaazmi carcacuna.
54 Paicunaman cushca allpapica cai uchilla pueblocunapimi carpa huasicunapi causarcacuna. Sorteajpica puntaca cohatitacunapaj familiamanta Aaronpaj huahua huahuacunapajmi carca.
55 Paicunaca cohatitacunamanca Judá llajtapimi Hebrón allpacunata curcacuna. Shinallataj chai allpa muyundijpi caj michina allpacunandijmi curcacuna.
56 Shinapish chai llajtapaj campocunata, chai uchilla pueblocunataca Jefunepaj churi Calebmanmi curcacuna.
57 Aaronpaj huahua huahuacunamanca miticuna llajtacunatami curcacuna. Hebrontapish, Libnatapish michina allpacunandij, Jatirtapish, Estemoatapish michina allpacunandij,
58 Hilentapish michina allpacunandij, Debirtapish michina allpacunandij,
59 Asantapish michina allpacunandij, Bet-Semestapish michina allpacunandijmi curcacuna.
60 Benjaminpaj familiaca Guebatapish michina allpacunandij, Alemettapish michina allpacunandij, Anatottapish michina allpacunandijmi curcacuna. Tucuica 13 llajtacunatami paicunapaj familiacunaman curcacuna.
61 Cutin caishuj cohatitacunapaj sorteajpica chunga llajtacunatami curcacuna. Paicunaca shujtaj familiacunamantapish, Manasespaj chaupi familiamantapish llajtacunatami japircacuna.
62 Guersompaj huahua huahuacunamanca 13 llajtacunatami curca. Chai llajtacunataca Isacarpaj familiamanta, Aserpaj familiamanta, Neftalipaj familiamanta, Basanpi caj Manasespaj familiamantapishmi japishpa curcacuna.
63 Meraritacunamanta cada familiapaj sorteajpica 12 llajtacunami urmarca. Chai llajtacunataca Rubenpaj familiamanta, Gadpaj familiamanta, Zabulonpaj familiamantapishmi japishpa curcacuna.
64 Chashnami israelitacunaca levitacunaman chai llajtacunataca michina allpacunandij curcacuna.
65 Ashtahuanpish Judapaj familiamanta, Simeonpaj familiamanta, Benjaminpaj familiamantami chai llajtacunataca curcacuna. Chai llajtacunataca sorteashpami shutipi nombrashpa curcacuna.
66 Cohatitacunapaj huaquin familiacunaca Efrainpaj familiamanta llajtacunatami paicunapaj allpacuna cachun japircacuna.
67 Miticuna llajtacunatami* curcacuna. Efraín urcucunapi tiyaj Siquem llajtata michina allpacunandij, Guezertapish michina allpacunandij,
68 Jocmeamtapish michina allpacunandij, Bet-Horón llajtatapish michina allpacunandij,
69 Ayalón llajtatapish michina allpacunandij, Gat-Rimón llajtatapish michina allpacunandijmi curcacuna.
70 Cohatitacunapaj caishuj familiacunaca Manasespaj chaupi familiamantami cai llajtacunata japircacuna. Anertaca michina allpacunandij, Bileamtapish michina allpacunandijmi japircacuna.
71 Guersompaj huahua huahuacunamanca Manasespaj chaupi familiamantami caita curcacuna. Basanpi saquirij Golantapish michina allpacunandijmi curcacuna. Astarottapish michina allpacunandijmi curcacuna.
72 Isacarpaj familiaca Quedes llajtatapish michina allpacunandij, Daberat llajtatapish michina allpacunandij,
73 Ramot llajtatapish michina allpacunandij, Anem llajtatapish michina allpacunandijmi curcacuna.
74 Aserpaj familiaca Masal llajtatapish michina allpacunandij, Abdón llajtatapish michina allpacunandij,
75 Hucoc llajtatapish michina allpacunandij, Rehob llajtatapish michina allpacunandijmi curcacuna.
76 Neftalipaj familiaca Galileapi caj Quedes llajtatapish paicunapaj michina allpacunandij, Hamón llajtatapish michina allpacunandij, Quiryataim llajtatapish michina allpacunandijmi curcacuna.
77 Caishuj meraritacunamanca Zabulonpaj familiamantami caita curcacuna: Rimono llajtatapish michina allpacunandij, Tabor llajtatapish michina allpacunandijmi curcacuna.
78 Jordán inti llujshin ladoman Jericó cꞌuchupi caj Jordán llajtapimi Rubenpaj familiamantaca chaquishca pambapi Bézer llajtatapish michina allpacunandij, Jáhaz llajtatapish michina allpacunandij,
79 Quedemot llajtatapish michina allpacunandij, Mefaat llajtatapish michina allpacunandijmi curcacuna.
80 Gadpaj familiaca Galaadpi caj Ramot llajtatapish michina allpacunandij, Mahanaim llajtatapish michina allpacunandij,
81 Hesbón llajtatapish michina allpacunandij, Jazer llajtatapish michina allpacunandijmi curcacuna.
Notacuna
^ “Leví” shimita huasha diccionariopi ricui.
^ O “tandanacuna carpa huasipi”.
^ Caipica paipaj compañero levitamantami parlacun.
^ Hebreo rimaipica: “entregashcacuna carca” ninmi.
^ Caitaca Josué 21:21-pica “llajta” nishpapishmi traducishcacuna.
