1 Crónicas 7:1-40
7 Isacarpaj churicunaca chuscumi carca: Tolá, Pua, Jasub, Simrón shuticunami carca.
2 Tolapaj churicunaca Uzí, Refayá, Jeriel, Jahmái, Ibsam, Semuel shuticunami carca. Paicunaca yayacunapaj familiacunata pushajcunami carca. Davidpaj punllacunapica Tolapaj huahua huahuacunamantaca 22.600 sinchi macanacujcunami tiyarca.
3 Uzipaj huahua huahuacunamantaca* Izrahiaspish, Izrahiaspaj churicunapishmi carca. Paicunaca Miguel, Abdías, Joel, Isiasmi carca. Cai pichcami familiacunata pushajcuna carca.
4 Paicunapish, paicunapaj huahua huahuacunapish achca huarmicunata, huahuacunatami charircacuna. Cutin paicunapaj yayacunapaj familiacunamantaca 36.000 macanacungapaj allichirishca soldadocunami tiyarca.
5 Isacarpaj tucui familiacunamanta paipaj huauquicunaca sinchi macanacujcunami carca. Tucui paicunaca cada familiamanta registrashcacunapica 87.000 cꞌaricunami carca.
6 Benjaminpaj churicunaca quimsami carca: Bela, Béker, Jediael shuticunami carca.
7 Belapaj churicunaca Ezbón, Uzí, Uziel, Jerimot, Iripishmi carca. Tucuica pichcami carca. Paicunaca paicunapaj familiacunata* pushajcuna, sinchi macanacujcunami carca. Cada familiamanta registrashcacunaca 22.034-mi tiyarca.
8 Bekerpaj churicunaca Zemirá, Joás, Eliezer, Elioenái, Omrí, Jeremot, Abías, Anatot, Alémet shuticunami carca. Tucui caicunami Bekerpaj churicuna carca.
9 Cada familiamanta registrashcacunaca 20.200 sinchi macanacujcunami carca. Paicunaca yayacunapaj familiacunata pushajcunami carca.
10 Jediaelpaj churicunaca Bilhanpish, Bilhanpaj churicunapishmi carca. Paicunaca Jeús, Benjamín, Ehúd, Kenaaná, Zetán, Tarsis, Ahisáhar shuticunami carca.
11 Tucui paicunaca Jediaelpaj churicunami carca. Paicunaca ñaupa yayacunapaj pushajcunamanta macanacunaman ringapaj allichirishca 17.200 sinchi macanacuj soldadocunami carca.
12 Supimpaj familiacunapish, Hupimpaj familiacunapish* Irpaj huahua huahuacunami carca. Husimpaj churicuna, ushushicunaca Aherpaj huahua huahuacunami carca.
13 Neftalipaj churicunaca Jahziel, Guní, Jézer, Salumpishmi carca. Paicunaca Bilhapaj huahua huahuacunami* carca.
14 Manasespaj huahua huahuacunaca Asrielmi carca. Paitaca Siria llajtamanta caishuj huarmimi huacharca. (Cai huarmica Makirtapishmi huacharca. Makirca Galaadpaj yayami carca.
15 Shinallataj Makirca Hupimpaj, Supimpajmi shuj huarmita mashcarca. Paicunapaj panica Maacá shutimi carca). Qꞌuipa churica Zelofehad shutimi carca. Paica ushushicunallatami charirca.
16 Makirpaj huarmi Maacaca shuj churitami huacharca. Paitaca Peres nishpami shutichirca, paipaj huauquica Seresmi carca. Paipaj churicunaca Ulam, Requemmi carca.
17 Ulampaj churica* Bedanmi carca. Galaadpaj huahua huahuacunaca caicunami carca. Galaadca Makirpaj churimi carca. Makirca Manasespaj churimi carca.
18 Galaadpaj panica Hamoleketmi carca. Paica Isod, Abí-Ézer, Mahlatami huacharca.
19 Semidapaj churicunaca Ahián, Siquem, Liquí, Aniampishmi carca.
20 Efrainpaj huahua huahuacunaca caicunami carca: Sutélah paipaj churi Bered, paipaj churi Táhat, paipaj churi Eleadá, paipaj churi Táhat,
21 paipaj churi Zabad, paipaj churi Sutélah, paipaj churi Ézer, Eleadpishmi carca. Chai llajtallapitaj huacharishca Gat runacunaca huagracunata, ovejacunata quichunaman uriyajpimi paicunataca huañuchircacuna.
22 Paipaj yaya Efrainca achca punllacunatami llaquilla carca. Paipaj familiacunami cushichinaman shamuj carca.
23 Qꞌuipamanca paica paipaj huarmihuanmi chayarirca. Paipaj huarmica chichu saquirishpami qꞌuipamanca shuj churita huacharca. Efrainpaj familia achca llaquicunata pasacujpimi paipaj huarmica chai huahuata huacharca. Chaimantami Berías* nishpa shutichirca.
24 Paipaj ushushica Seerami carca. Paica ura ladopi caj Bet-Horontapish, jahua ladopi caj Bet-Horontapish, Uzen-Seeratapishmi shayachirca.
25 Refahpish, Resefpish Efrainpaj huahua huahuacunami carca. Paipaj churi Télah, paipaj churi Tahán,
26 paipaj churi Ladán, paipaj churi Amihud, paipaj churi Elisamá,
27 paipaj churi Nun, paipaj churi Josuepishmi* carca.
28 Paicunapaj allpacunapish, uchilla pueblocunapish caicunami carca. Betel llajta, chai cꞌuchulla pueblocunandijmi carca. Inti llujshin ladomanca Naarán llajtami carca. Inti huashicun ladomanca Guézer llajta, chai cꞌuchulla pueblocunandijmi carca. Shinallataj Siquem llajta, chai cꞌuchulla pueblocunandijmi carca. Ayyá* llajtaman, chai cꞌuchulla pueblocunaman chayangacamami carca.
29 Manasespaj huahua huahuacunapaj ladopica Bet-Seán llajta, chai cꞌuchulla pueblocunandijmi carca. Taanac llajta, chai cꞌuchulla pueblocunandijmi carca. Meguidó pugru pamba, chai cꞌuchulla pueblocunandijmi carca. Dor llajta, chai cꞌuchulla pueblocunandijmi carca. Caicunapimi Israelpaj churi Josepaj huahua huahuacunaca causarcacuna.
30 Aserpaj churicunaca Imná, Isvá, Isví, Berías shuticunami carca. Paicunapaj panica Sérah shutimi carca.
31 Beriaspaj churicunaca Héber, Malkiel shuticunami carca. Malkielca Birzayitpaj yayami carca.
32 Heberca Jafletpaj, Somerpaj, Hotampaj, Suapaj yayami carca. Suami paicunapaj panica carca.
33 Jafletpaj churicunaca Pasac, Bimhal, Asvatpishmi carca. Paicunami Jafletpaj churicuna carca.
34 Semerpaj* churicunaca Ahí, Rohgá, Jehubá, Arampishmi carca.
35 Semerpaj huauqui Helempaj* churicunaca Zofá, Imná, Seles, Amalpishmi carca.
36 Zofapaj churicunaca Súaj, Harnéfer, Sual, Berí, Imrá,
37 Bézer, Hod, Samá, Silsá, Itrán, Beerapishmi carca.
38 Jeterpaj churicunaca Jefuné, Pispá, Arapishmi carca.
39 Ulapaj churicunaca Ará, Haniel, Riziapishmi carca.
40 Tucui caicunami Aserpaj churicuna carca. Paicunaca paicunapaj familiacunata* pushajcuna, sinchi macanacujcuna, agllashcacunapishmi carca. Shinallataj soldadocunata mandajcunamanta ashtahuan rijsishcacunami carca. Cada familiamanta registrashcacunami carca. Macanacungapaj allichirishca soldadocunaca tucuica 26.000-mi carca.
Notacuna
^ Hebreo rimaipica: “churicunamantaca” ninmi.
^ Caipica yayacunapaj familiacunamantami parlacun.
^ O “Supimpish, Hupimpish”.
^ Hebreo rimaipica: “churicunami” ninmi.
^ Hebreo rimaipica: “churicunaca” ninmi.
^ “Berías” shutica ‘llaquicunahuan’ nisha ninmi.
^ O “Jehosuapishmi”. “Jehosúa” shutica ‘Jehová Diosca quishpichijmi can’ nisha ninmi.
^ Caitaca “Gaza” nishpapishmi traducishcacuna. Cai Gazaca mana Filisteamanta Gazachu can.
^ Caipica yayacunapaj familiacunamantami parlacun.
