1 Crónicas 9:1-44
9 Tucui israelitacunami cada familiamanta registrashcacuna carca. Caica Israel llajtamanta Reycunapaj Libropimi quillcashca tiyacun. Judapi causajcunaca paicunapaj juchacunamantami Babiloniaman prezu apashcacuna carca.
2 Paicunapaj llajtacunaman, allpacunaman punta tigrajcunaca huaquin israelitacuna, sacerdotecuna, levitacuna, Diospaj huasipi sirvijcunami* carcacuna.
3 Shinallataj Judapaj, Benjaminpaj, Efrainpaj, Manasespaj huaquin huahua huahuacunaca Jerusalenman tigrashpami chaipi causai callarircacuna. Cai tigramujcunapaj shuticunaca caicunami carca.
4 Utaica Amihudpaj churimi carca. Amihudca Omripaj churimi carca. Omrica Imripaj churimi carca. Imrica Banipaj churimi carca. Tucui cai cꞌaricunami Judamanta Perezpaj huahua huahuacunamanta carcacuna.
5 Asayapish, paipaj huahuacunapish Selapaj huahua huahuamantami carca. Asayaca paipaj yayapaj huasimanta punta churimi carca.
6 Zerahpaj huahua huahuamantaca Jeuelpish paicunapaj 690 huauquicunapishmi carca.
7 Benjaminpaj huahua huahuacunapish Jerusalenpi causangapajmi tigrarcacuna. Paicunaca caicunami carca: Salú (paica Mesulampaj churimi carca. Mesulamca Hodaviaspaj churimi carca. Hodaviasca Hasenuapaj churimi carca),
8 Ibneyá (paica Jerohampaj churimi carca), Elá (paica Uzipaj churimi carca. Uzica Micripaj churimi carca), y Mesulam (paica Sefatiaspaj churimi carca. Sefatiasca Reuelpaj churimi carca. Reuelca Ibniyapaj churimi carca).
9 Paipaj huauquicunapish paicunapaj ñaupa yayacunamantaca 956-mi carcacuna. Tucui cai cꞌaricunami paicunapaj yayacunapaj familiacunata pushajcuna carca.
10 Sacerdotecunamantaca caicunami carca: Jedayá, Jehoiarib, Jakín,
11 Azarías (paica Hilquiaspaj churimi carca. Hilquiasca Mesulampaj churimi carca. Mesulamca Sadocpaj churimi carca. Sadocca Merayotpaj churimi carca. Merayotca Ahitubpaj churimi carca. Ahitubca Diospaj huasipi pushajmi carca),
12 Adaya (paica Jerohampaj churimi carca. Jerohamca Pasjurpaj churimi carca. Pasjurca Malkiyapaj churimi carca), Maasái (paica Adielpaj churimi carca. Adielca Jahzerapaj churimi carca. Jahzeraca Mesulampaj churimi carca. Mesulamca Mesilemitpaj churimi carca. Mesilemitca Imerpaj churimi carca),
13 paipaj huauquicunapishmi carcacuna. Tucui paicunaca yayacunapaj familiacunata pushajcunami carcacuna. 1.760 sinchi, allichirishca cꞌaricunapishmi carcacuna. Diospaj huasipi sirvingapajpish listosmi carcacuna.
14 Levitacunamantaca caicunami carca. Semaya (paica Hasubpaj churimi carca. Hasubca Azricampaj churimi carca. Azricamca Hasabiaspaj churimi carca). Paicunaca Meraripaj huahua huahuacunamantami carcacuna.
15 Shinallataj Bacbacar, Héresh, Galal, Matanías (paica Micapaj churimi carca. Micá runaca Zicripaj churimi carca. Zicrica Asafpaj churimi carca),
16 Abdías (paica Semayapaj churimi carca. Semayaca Galalpaj churimi carca. Galalca Jedutunpaj churimi carca), Berekiasmi carca. Berekiasca Asapaj churimi carca. Asaca Elcanapaj churimi carca. Berekiasca netofatitacuna causashca uchilla pueblocunapimi causarca.
17 Punguta cuidajcunaca Salum, Acub, Talmón, Ahimán, paicunapaj huauquicunapishmi carca. Salumca paicunata pushajmi carca.
18 Chaicamaca paica inti llujshin ladoman caj reypaj pungupimi cashca carca. Caicunami levitacunapaj carpa huasicunapaj punguta cuidajcuna carca.
19 Salumca Corepaj churimi carca. Coreca Ebiasafpaj churimi carca. Ebiasafca Corepaj churimi carca. Paipaj yayapaj familiamanta paicunapaj huauquicunaca coreitacunami* carca. Paicunami Diospaj huasi punguta cuidajcunata ricujcuna carca. Paicunapaj yayacunapish Jehová Diospaj carpa huasipi punguta cuidajcunami cashcacuna carca.
20 Ñaupaca Eleazarpaj churi Finehasmi paicunata pushaj carca. Jehová Diosca paihuanmi carca.
21 Zacariasca Meselemiaspaj churimi carca. Paica tandanacuna carpa huasi pungupimi cuidaj carca.
22 Chai pungu yaicunata cuidangapaj agllashcacunaca tucuica 212-mi carcacuna. Cada familiamanta registrashcacunami paicunapaj uchilla pueblocunapi causai callarircacuna. Davidpish, Dios ricuchishcata huillaj Samuelpish paicuna tucuita alli pajtachij cashcamantami chaita rurachunca nombrarcacuna.
23 Chaimi paicunapish, paicunapaj huahuacunapish Jehová Diospaj huasi pungucunata cuidana responsabilidadta charircacuna. Chai punllacunaca Diospaj huasica shuj carpa huasimi carca.
24 Punguta cuidajcunaca chuscu ladocunapimi carcacuna: inti llujshin ladoman, inti huashicun ladoman, janaj ladoman, ura ladomanpishmi carcacuna.
25 Cada cierto tiempopimi paipaj huauquicunaca paicunahuan canchis punllacunata sirvingapaj paicunapaj uchilla pueblocunamanta shamuna carcacuna.
26 Shinallataj punguta cuidaj, tucuita alli pajtachij chuscu pushaj* levitacunami tiyarca. Paicunami Diospaj huasipi micuna cuartocunata, achca valij cosascunata huaquichina cuartocunatapish cuidajcuna carca.
27 Chaimi Diospaj huasi muyundijpi paicunata churashca puestocunapi tutaca pasajcuna carca. Paicunaca cuidana responsabilidadta charishcamantami huasipaj llavecunata charircacuna. Shinallataj cada tutamantami huasi pungucunata pascajcuna carca.
28 Huaquin levitacunaca Diosta adorana cosascunata cuidashpami sirvijcuna carca. Paicunami chai cosascunata cada apamushcata, cada apashcata yupajcuna carca.
29 Shinapish paicunamanta maijancunamanca Diosta adorana cosascunatapish, Diospajlla chꞌicanyachishca tucui cosascunatapish, alli harinatapish, vinotapish, aceitetapish, olivanotapish, aceite balsámico nishcatapish cuidachunmi mingarcacuna.
30 Sacerdotecunapaj huaquin churicunaca aceite balsamicotami shujtaj mishquijlla ashnacujcunahuan chagrushpa rurajcuna carca.
31 Shinallataj levitacunamanta Matitiasca coreitacunamanta Salumpaj punta churimi carca. Matitiastaca tucuita alli pajtachij cashcamantami sartencunapi imalla yanuricushcata ricuchun churarca.
32 Paicunapaj huaquin huauqui coatitacunamanca tucui sábado punllacuna montonashca tandacunata* rurachunmi mingarcacuna.
33 Paicunaca cantajcuna, levitacunamanta yayacunapaj familiacunata pushajcunami carcacuna. Paicunaca micuna cuartocunapimi carcacuna. Shujtaj ruraicunataca mana charircacunachu. Chaimantami tutapish, punllapish chaipi sirvingapaj mingashca carcacuna.
34 Caicunami levitacunamanta yayacunapaj familiacunata pushajcuna carca. Paicunaca pushajcuna, Jerusalenpi causajcunami carca.
35 Jeielca Gabaonpimi causarca. Paimi chai llajtataca shayachirca. Paipaj huarmica Maacá shutimi carca.
36 Paipaj punta churica Abdonmi carca. Shinallataj qꞌuipa churicunaca Zur, Quis, Baal, Ner, Nadab,
37 Guedor, Ahió, Zacarías, Miclotpishmi carca.
38 Miclotca Simeampaj yayami carca. Tucui paicunami Jerusalenpi paipaj huauquicunahuan* causarcacuna. Paicunapaj caishuj huauquicunapaj cꞌuchupimi causarcacuna.
39 Nerca Quispaj yayami carca. Quisca Saulpaj yayami carca. Saulca Jonatanpaj, Malki-Suapaj, Abinadabpaj, Esbaalpajpish yayami carca.
40 Jonatanpaj churica Merib-Baalmi carca. Merib-Baalca Miqueaspaj yayami carca.
41 Miqueaspaj churica Pitón, Mélec, Tahrea, Acazpishmi carca.
42 Acazca Jarapaj yayami carca. Jaraca Alemetpaj, Azmavetpaj, Zimripajpish yayami carca. Zimrica Mozapaj yayami carca.
43 Mozaca Bineapaj yayami carca. Refayaca Bineapaj churimi carca. Eleasaca Refayapaj churimi carca. Azelca Eleasapaj churimi carca.
44 Azelca sujta churicunatami charirca. Paicunapaj shuticunaca Azricam, Bocrú, Ismael, Searías, Abdías, Hananpishmi carca. Tucui paicunami Azelpaj churicuna carca.
Notacuna
^ O “netineocunami”. Hebreo rimaipica: “entregashcacunami” ninmi. “Netineocuna” shimita huasha diccionariopi ricui.
^ Cai versopica qꞌuipa Corepaj huahua huahuacunamantami parlacun.
^ Hebreo rimaipica: “poderoso” ninmi.
^ Caipica Diosman cushca tandamantami parlacun.
^ Caipica compañero benjaminitacunamantami parlacun.
