BIBLIAPI TIYAJ VAILSIHCA YUYAICUNA | ISAÍAS 63-66
‘Mushuj jahua pacha, mushuj cai pacha’ tiyajpica cushillami causashun
Isaías capítulo 65-pica Jehová Diosca tucuitami mushujyachisha ninmi. Chaitaca pajtachingatajmi.
Jehová Diosca ‘mushuj jahua pachata, mushuj cai pachatami’ ruranga. Chaipica ñaupaman imalla tucushcataca manataj yuyarishunchu.
Isa 65:17
¿Mushuj ‘jahua pachaca’ imataj can?
-
Shuj mushuj mandanami can. Cai Allpapica tucuicunami cashcata ruranga.
-
Cai mandanaca 1914 huatapimi callarirca. Chai huatapimi Jehová Diosca paipaj Mandanapi Jesusta mandachun churarca.
¿Mushuj ‘cai pachaca’ imataj can?
-
Tucui llajtacunamanta, chꞌican chꞌican rimaicunamanta Diospaj Mandanata cazusha nij gentecunatami ricuchin.
¿Ñaupaman imalla tucushcataca imamantataj ña mana yuyarishun?
-
Llaquicunaca ña mana tiyangachu. Ungüicunata charishca cashpa, imamanta llaquilla sintirishca cashpapish ña mana yuyarishunchu.
-
Diosta tucui shunguhuan servijcunaca cushillami causangacuna. Paicunaca tucui punllacunami achcata cushicushpa causangacuna.
