Shujtajcunata cꞌuyashpaca paicuna ima shina sintirishcata, imata yuyashcata, imata minishtishcata intindingapajmi esforzarishun. Gentecunaman predicacushpa, paicunamanta preocuparishpaca Jehová Dios paicunata cuidacushcata, cꞌuyashcatami ricuchishun. Chaita rurajpica gentecunaca Jehová Diospajmanmi cꞌuchuyangacuna (Flp 2:4).

Shujtajcunamanta preocuparishcata ricuchingapajca paicunataca allimi uyana canchij. Paicunahuanca cꞌuyaihuanmi parlana canchij. Allimi tratana canchij. Predicacushpaca gentecuna imapi crishcata, imapi ayudachun minishtishcatami ricuna canchij. Paicunata ayudashpapish, Bibliamanta consejocunata yachachishpapish paicuna cambiachunca mana obliganachu canchij. Shinapish gentecuna ñucanchij ayudata chasquijpica cushillami sintirishun.

JESUSTA CATIJCUNA TUCUCHUN AYUDASHPA CUSHICUSHUNCHIJ. ALLI YACHACHIJCUNA CASHUNCHIJ: CꞌUYAJ, LLAQUIJ CASHPA NISHCA VIDEOTA RICUSHCA QꞌUIPACA CAI TAPUICUNATA CUTICHI:

• ¿Coral mana utca chayajpica Ritaca ima shinataj paimanca cꞌuyaita ricuchirca?

• ¿Coral ñuca estudiocunamanta shaicushcami cani nijpica Ritaca ima shinataj cꞌuyaita ricuchirca?

• ¿Coral ñucaca mana ordenadachu cani nijpica Ritaca cꞌuyaihuan ayudangapajca imatataj rurarca?