Cushilla causai nishca libropi tiyaj tapuicuna, videocunaca alajami can. Shinallataj “huaquincuna ima nishcacuna”, “caita rurai”, “caicunatapish ricui” nishca recuadrocunaca achcatami ayudashca. Pero ¿cai librohuan yachachishpa catingapajca imataj ashtahuan ayudanga? (Mt 28:19, 20).

Libropaj ayudacuna: Cai librotaca edición digitalpipishmi ricui tucungui. Chaipica chuscu partecunami tiyan. Can munashca parteta agllashpami ura chaquipica chai partepaj ayudacunata ricungui. Chaipi llapishpami chai partepaj videocuna, publicacioncuna ricuringa (dibujo 1-ta ricui).

Imprimishca shinata ricungapaj: JW Library aplicacionpi cai librohuan yachachicushpa, imprimishca libro ima shina cashcata ricusha nishpaca jahua alli ladopimi quimsa puntitocunapi llapi tucungui. Chaipica “Edición impresa” nishcapi llapi. Imprimishca shinata ricunaca tucui temata yuyaipi charingapajmi ayudanga. Imprimishca shinata ña mana ricusha nishpaca cutinmi alli ladopi quimsa puntitocunapi llapina cangui. Chaipimi “Edición digital” nishcapi llapina cangui. Mana cashpaca ura chaquipi tiyaj botonpi llapi.

“¿Ñachu listo cani?”: Cai recuadrocunaca libropaj casi tucuri partepimi can. Caicunapica bautizaringapaj, huillanaman llujshingapaj imallata rurana cashcatami yachachin (dibujo 2-ta ricui).

Notacuna: Notacunaca chaicunata ashtahuan alli intindingapaj importante yuyaicunatami charin. Edición digitalpi caj notacunapi yaicushpaca chai yachaillamantaj tigrangapajmi shuj enlace tiyan (dibujo 2-ta ricui).