CAPÍTULO 37

¿Bautizaringapajca ñachu listo cani?

Cierto cashcata o mana cierto cashcata anotai:

Tucui Jesusta catijcunami bautizarina can.

□ Cierto

□ Llulla

Bautizarishpaca juchapi ña mana urmashachu.

□ Cierto

□ Llulla

Bautizarishpaca ñami salvo cani.

□ Cierto

□ Llulla

Mana bautizarijpica Diosca ñucata mana juzgangachu.

□ Cierto

□ Llulla

Ñuca amigocunaca ñami bautizarigrin, ñucapish bautizarinami cani.

□ Cierto

□ Llulla

¿BIBLIAPI mandashca shinachu causangui? ¿Diospaj amigo cangapajchu esfuerzota rurangui? ¿Bibliamanta yachashcata shujtajcunaman huillacunguichu? Cai tapuicunata alli cutichishpaca bautizaringapaj ñami listo cani ninguichari. Pero manaraj bautizarishpaca jahuapi tiyaj tapuicunata alli o mana alli cutichishcata ricui.

● Tucui Jesusta catijcunami bautizarina can.

Cierto. Jesusca paita catijcunataca bautizarichunmi mandarca (Mateo 28:19, 20). Jesuspishmi bautizarirca. Canpish Jesús rurashcacunata catingapajca bautizarinami cangui. Pero bautizaringapajca ima alli cashcata, ima mana alli cashcataca allimi yachana cangui. Shinallataj shungumanta bautizarisha nishcataca seguromi cana cangui.

● Bautizarishpaca juchapi ña mana urmashachu.

Llulla. Bautizarishpaca gentecunapaj ñaupajpimi ñucanchij causaita Jehová Diosman mingarishcata ricuchinchij. Ñucanchij millai munaicunata jarcangapajllaca mana bautizarinchijchu. Dios munashca shina causangapajmi bautizarinchij.

● Bautizarishpaca ñami salvo cani.

Cierto. Bibliapi nishca shinaca quishpiringapajca bautizarinami importante can (1 Pedro 3:​21). Pero bautizarishpaca tucui mana allicunamanta jarcaringapaj shuj segurota contrataj shinaca mana canchu. Ashtahuanpish Jehová Diosta cꞌuyashcamanta, paita tucui shunguhuan huiñai huiñaita sirvisha nishpami bautizarinchij (Marcos 12:29, 30).

● Mana bautizarijpica Dios ñucata mana juzgangachu.

Llulla. Bautizarishca cashpa o mana bautizarishca cashpapish Santiago 4:​17-pi ima nishcatami yuyarina cangui. Chaipica: “Maijanpish allita ruranata yachashpapish, mana rurajca juchayujmi tucun” ninmi. Cai catij tapuicunapi yuyai. ¿Intindinguichu Yaya Dios canmanta imata shuyacushcata? ¿Alli decisioncunata japingapajca ñachu listo cangui? Ña listo cashpaca cambaj yaya mamata, alli experienciata charij huauqui panicunata ayudata mañai. Paicunami bautizarichun ayudanga.

● Ñuca amigocuna ñami bautizarigrin, ñucapish bautizarinami cani.

Llulla. ¿Alli decisioncunata japingapajca ñachu listo cangui? Bautizarina munaica cambaj shungumantami llujshina can (Salmo 110:3). Testigo de Jehová cana ima nisha nishcata alli intindishpami bautizarina cangui (Eclesiastés 5:​4, 5).

Bautizarishpaca cushicunguimi

Bautizarishpaca achca bendicioncunatami charingui. Shinapish Jehová Diosta sirvingapaj imata rurasha nishcataca pajtachinatajmi cangui.

¿Cambaj bautizarina punlla chayamushcachu? Shina cajpica cushillami sintirina cangui. Jehová Diosta cada punlla tucui shunguhuan sirvinaca shuj jatun bendicionmi can (Mateo 22:36, 37).

CATIJ YACHAIPICA CAITAMI YACHANGUI:

Yaya Diosta ashtahuan sirvingapaj imata rurana cashcata ricui.

TEXTO BIBLICO CLAVE

Romanos 12:1-pica: “Cancunapaj cuerpocunataca, ima jucha illajllata, causaj sacrificiota Diosman cuichij. Chashna cashpami Dios munashca shina paita yuyarijcunataj canguichij” ninmi.

CONSEJO

Cambaj yaya mamata: “¿Maijan huauqui o panitaj congregacionpica Diosta alli sirvichunca ayudai tucun?” nishpa tapui (Hechos 16:1-3).

¿CAITA YACHARCANGUICHU?

Bautizarinaca salvaringapaj shuj “señal” shinami can (Ezequiel 9:​4-6).

CAITAMI RURANA CANI

Bautizaringapajca Bibliamantami caita ashtahuan intindisha nini:

¿Caimantaca imatataj ñuca yaya mamataca tapusha nini?

¿CANCA IMATATAJ YUYANGUI?

● ¿Bautizaringapajca imamantataj alli yuyana cangui?

● ¿Huaquin jovencunaca manaraj listo cashpaca imamantataj bautizarincuna?

● ¿Huaquin jovencunaca imamantataj Diosman mingarinata, bautizarinatapish achcata shuyancuna?

[Comentario]

Noemica: “Mana allicunamanta caruyashpa allicunata rurangapajca bautizarishcata yuyarinami ayudan’’ ninmi.

[Ilustración y recuadro]

Bautizarinamanta huaquin tapuicuna

¿Bautizarinaca imatataj nisha nin? Yacupi pambarishpaca huañuj shina tucui cambaj ñaupa causaita huashaman saquinatami nisha nin. Cutin yacumanta llujshishpaca mushuj causaita charij shina Jehová Diosta tucui cambaj causaipi sirvina cashcatami nisha nin.

¿Diosman mingarinaca imatataj nisha nin? Cambaj causaica ña mana cambaj cashcata, ashtahuanpish Jehovapaj cashcatami nisha nin (Mateo 16:24). Chaimantami manaraj bautizarishpa Jehová Diostaca, “tucui ñuca causaipimi canta sirvisha” nishpa mañana cangui.

¿Manaraj bautizarishpaca imatataj rurana cani? Bibliapi mandashca shinami causana cangui. Chaipi yachacushcatapish shujtajcunamanmi yachachina cangui. Shinallataj Diospaj alli amigo cangapajca paitami mañana cangui, paitapishmi ashtahuan rijsina cangui. Shujtajcuna nishcallamantaca mana Diosta sirvinachu cangui. Can munashcamantami sirvina cangui.

¿Bautizaringapajca mashna huatacunatataj charina cani? Mashna huatacunata charishpapish Diosman mingarina ima nisha nishcata alli intindishpaca bautizarinallami cangui.

¿Bautizarisha nishpa ñuca yaya mama ashata shuyai nijpica imatataj rurana cani? Yaya mamacunaca, “cambaj causaipi Bibliapi mandashcacunata pajtachinarajmi cangui” nijpica Diospaj amigo cangapaj ashtahuan esforzarishpa cati (1 Samuel 2:26).

[Recuadro]

Contestangapaj tapuicuna

¿Bautizarisha nicunguichu?

Bautizaringapaj ña listo cashcata yachangapajca catij tapuicunata cutichi. Chaita rurangapajca versocunatarajmi liyina cangui.

¿Jehovapi confianguichu? ¿Chaitaca ima shinataj ricuchicungui? (Salmo 71:5).

¿Ima alli cashcata, ima mana alli cashcata yachanguichu? ¿Chaitaca ima shinataj ricuchishcangui? (Hebreos 5:14).

¿Mashna cutintaj Diosta mañangui?

¿Can imalla minishtishcataca Diosman mañanguichu? ¿Diosta mañacushpaca paita cꞌuyashcatachu ricuchingui? (Salmo 17:6).

¿Diosta alli mañangapajca imatataj rurana cangui?

¿Bibliata liyingapajca mashna tiempotataj surcungui? (Josué 1:8).

¿Canlla Bibliata estudiacushpaca ima informaciontataj yachangui?

¿Canlla Bibliata estudiashpaca imatataj yachasha ningui?

¿Bibliamanta alli yachachijchu cangui? (Por ejemplo, ¿Bibliapi ima nishcacunataca allichu intindichingui? ¿Bibliamanta ashtahuan yachasha nijcunataca cutin visitanguichu? ¿Bibliamanta yachacujta charingapaj empeñaricunguichu?)

□ Ari □ Mana

¿Cambaj yaya mama huillangapaj mana llujshijpipish huillangapaj llujshinguichu? (Hechos 5:42).

□ Ari □ Mana

¿Ashtahuan alli huillangapajca imatataj rurasha ningui? (2 Timoteo 2:15).

¿Tucui tandanacuicunamanchu ringui? (Hebreos 10:25).

¿Tandanacuicunapi participangapajca imatataj rurangui?

¿Cambaj yaya mamacuna tandanacuiman mana rishpapish canman permisota cujpica ringuichu?

□ Ari □ Mana

¿Diospaj munaita rurashpaca cushicunguichu? (Salmo 40:8).

□ Ari □ Mana

¿Cambaj compañerocuna caita rurai nijpipish chaita mana rurashcata yuyaringuichu? (Romanos 12:2).

¿Cambaj cꞌuyai Jehová Diosmanta ama chiriyachunca imatataj rurasha ningui? (Judas 20, 21).

¿Cambaj yaya mamacuna o amigocuna Jehová Diosta sirvinata saquijpica Diosta sirvishpachu catingui? (Mateo 10:36, 37).

□ Ari □ Mana

[Ilustración]

Bautizarinaca cazarana desicionta japina layami can. Chaimantami manaraj bautizarishpa alli yuyarina cangui.