Parte 2-pica caitami yachagrinchij
¿Jehová Diosca imamantataj ñaupa punllacunapi causaj gentecunataca yacu juilluhuan tucuchirca? Gentecunaca causai callarishcamantami millaita mana rurashpa allita rurangapaj achcata esforzarishcacuna. Por ejemplo, Adanpish Evapish paicunapaj churi Cainpish mana allicunatami rurarcacuna. Cutin shujtajcunaca Abel, Noé shinami allicunata rurarcacuna. Qꞌuipaca achca gentecunami yallitaj millai tucurcacuna. Chaimantami Diosca chai gentecunata tucuchirca. Cai partepica allita o mana allita ruracushcata Jehová Dios ricucushcatami yachagrinchij. Ashtahuanpish Diosca Diablopaj millai ruraicuna mishachunca manataj saquingachu.
CAIMI TIYAN
LECCIÓN 3
Adán, Evaca Diosta mana cazurcacunachu
¿Edén huerta chaupipi tiyaj yuramantaca imamantataj mana micuna carca? Shinapish ¿Evaca imamantataj chai yuramanta micurca?
LECCIÓN 4
Yallitaj pꞌiñarishcamantami huañuchirca
Diosca Abel cushca ofrendata chasquircami. Pero Caín cushca ofrendataca mana chasquircachu. Chaimantami Cainca achcata pꞌiñarishpa Abelta huañuchirca.
LECCIÓN 5
Noeca shuj arcatami rurarca
Mana cazuj angelcunami huarmicunahuan cazarashpa huahuacunata charirca. Chai huahuacunaca jatun rucucuna, millaicunami tucurca. Pero Noeca Diostami cazurca.
LECCIÓN 6
Ocho gentecunami quishpirircacuna
40 punllacunata 40 tutacunatami achcata tamyarca. Huata yallitami Noeca paipaj familiandij arca ucupi causarcacuna. Diosca chaimanta llujshichij nircami.
