Familia shinami cꞌuyanacunchij
1. ¿Familia shina cꞌuyaj, llaquij
alli amigocunaca tiyangachu?
Tucui ladopi mashcashpa purishpapish
cai mundopica mana tarishcanichu.
2. Pero shuj punlla tandanacuiman
rishpaca shungumantami contentarircani.
Chaipimi familia shina Jehová Diosta
sirvijcunata alli rijsi tucurcani.
(SHUJTAJ TONO)
Uchilla huahuacunapish yuyajcunapish
familia shinamari causacuncuna.
Chꞌican chꞌican llajtacunamanta cashpapish
tandallamari Diosta alli sirvincuna.
3. Paicunapurapi tiyaj cꞌuyaica
shujtaj ladopica manataj tiyanchu.
Jehová Diospaj pueblo ucupi canaca
jatun bendicionmi can. Cushillami sintirini.
(SHUJTAJ TONO)
Chꞌican chꞌican llajtacunamanta cashpapish
familia shinamari cꞌuyanacunchij.
4. Yaya Jehová Diosca ñucanchijtaca
paipaj familiata shinami chasquinga.
Alaja, cushi causaitami cunga.
Paipaj cꞌuyaica manataj tucuringachu.
Paipaj familiapi cashpami
huiñaita
cushicushun.
